Ինչպե՞ս ստուգել՝ արդյոք IQOS 2.4 PLUS-ը լիցքավորված է.
Սեղմիր IQOS 2.4 PLUS-ի կոճակը լիցքավորման սարքի վրա․ մարտկոցի ցուցիչները (սարքի կողային մասում) պետք է լուսավորվեն: Եթե լույսերը չեն միանում, սեղմիր և պահիր կոճակը 4 վայրկյան։
Ցուցիչների չլուսավորվելու դեպքում լիցքավորիր IQOS-ը պաշտոնական սնուցման սարքի և լարի միջոցով առնվազն 20 րոպե*: Առաջարկում ենք ամբողջությամբ լիցքավորել սարքը, ինչը կարող է տևել մինչև 90 րոպե: Ամբողջական լիցքավորումից հետո մարտկոցի ցուցիչները կանջատվեն:
* Խնդրում ենք նկատի ունենալ, որ համակարգչի USB-ով լիցքավորումը կարող է ավելի երկար տևել ավելի ցածր հզորության պատճառով:

Եթե IQOS 2.4 PLUS-ը լիցքավորված է, բայց միևնույն է չի աշխատում, հաջորդ քայլը վերագործարկումն է:
Միաժամանակ սեղմիր մարտկոցի ցուցիչների տակ գտնվող 2 կոճակները։ 2 վայրկյան անց բոլոր ցուցիչները մի քանի անգամ կթարթեն սպիտակ լույսով:

Ստուգիր՝ արդյոք լեզվակը կոտրված է, կամ առկա են այլ վնասվածքներ: Այո, սա կարող է պատահել մաքրման ընթացքում, եթե անզգուշորեն վնասել ես տաքացնող լեզվակը: Օգնության համար դիմիր IQOS հաճախորդների սպասարկման կենտրոն:
Երբեմն, սարքը մաքրելու ընթացքում, հնարավոր է վնասել լեզվակը ներսից: Զգույշ եղիր, մաքրիր առանց ուժ գործադրելու: Սթիքը ներսում մի պտտիր․ սա կարող է նույնպես վնաս հասցնել տաքացնող լեզվակին: