Ի՞նչ է պասիվ ծխելը. Երկրորդային ծուխը վտանգավո՞ր է

Ի՞նչ է պասիվ ծխելը. վտանգավո՞ր է արդյոք երկրորդային ծուխը

Պասիվ ծխելը տեղի է ունենում, երբ չծխող մարդը ստիպված է շնչել այլ մարդկանց այրված սիգարետի ծուխը: Այս երևույթը նաև հայտնի է որպես «ոչ կամավոր ծխել»:

Պասիվ ծխելը շրջապատում առկա ծխախոտի ծխի չնպատակադրված ներքաշումն է: Դա կարող է տեղի ունենալ, երբ չծխողը շատ մոտ է սիգարետ ծխողին կամ նույնիսկ այրվող սիգարետին: Երբ օդում առկա է սիգարետի ծուխ, տարածքում գտնվողները հավանականորեն ներքաշում են այն:

Երկրորդային ծուխը ինչ-որ մեկի ծխած սիգարետից կամ պարզապես վառվող սիգարետից արձակվող ծուխն է: Այն կարող է ներքաշել տարածքում գտնվող ցանկացած պասիվ ծխող:

• Հանրային առողջապահական մարմինները եկել են այն եզրակացության, որ այրվող ծխախոտից եկող երկրորդային ծուխն առաջացնում է մի շարք հիվանդություններ, այդ թվում՝ թոքերի քաղցկեղ և սրտի հիվանդություններ չծխող մեծահասակների մոտ, ինչպես նաև երեխաների մոտ այնպիսի խնդիրներ, ինչպիսիք են ասթման, շնչառական վարակները, հազը, վատ շնչառությունը, միջին ականջի վարակը և հանկարծակի մահը:
• Բացի այդ, հանրային առողջապահության ոլորտի պաշտոնյաները եկել են այն եզրակացության, որ պասիվ ծխելը կարող է սրել մեծահասակների ասթման և առաջացնել աչքերի, կոկորդի և քթի գրգռում:
• Մարդիկ պետք է տեղեկացված լինեն այս եզրակացությունների մասին և առաջնորդվեն դրանցով, երբ որոշում են գտնվել այն վայրերում, որտեղ պասիվ ծխելու հավանականություն է առկա:
• Ծխողները չպետք է ծխեն երեխաների կամ հղիների շրջապատում:

Պասիվ ծխելը և երկրորդային ծխելը նույն բա՞նն են

Այո՛, ընդհանուր առմամբ պասիվ ծխելը և երկրորդային ծխելը վերաբերում են նույն երևույթին:

Ինչպե՞ս ստեղծել անծուխ միջավայր

Եթե չափահաս ծխող եք, ահա մի քանի խորհուրդ, թե ինչպես ստեղծել անծուխ միջավայր:

1. Ամբողջովին թողնել ծխելը: Երկրորդային ծխի վերացման լավագույն միջոցը ծխելը թողնելն է: Սա, իհարկե, լավագույն ընտրությունն է ցանկացած ծխողի համար:

2. Անծուխ պահել Ձեր տունը։ Բավական չէ պարզապես բացել պատուհանը կամ դուռը կամ ծխել տան մեկ այլ սենյակում: Ծխելուց հետո ծուխը կարող է մնալ օդում: Մարդիկ պետք է առաջնորդվեն հանրային առողջապահական մարմինների եզրակացություններով, երբ որոշում են լինել այն վայրերում, որտեղ առկա է երկրորդային ծուխը, կամ, եթե նրանք ծխող են, գիտակցեն՝ երբ և որտեղ ծխել ուրիշների շրջապատում:

3. Անծուխ պահել Ձեր մեքենան: Ավտոմեքենան ևս տան պես մեկ այլ փակ տարածք է, որում լավ կլինի չծխել: Ավտոմեքենայի պատուհանները բաց թողնելը մեծ օգուտ չի տա, քանի որ ծուխը կարող է կպչել մեքենայի նստատեղերին և մնալ օդում:

4. Հարգել անծուխ գոտիները: Զգուշացեք նախքան ծխախոտը վառելը և ուշադիր հետևեք Ձեր շրջակայքին, հատկապես եթե ճանապարհորդում եք և ծանոթ չեք տեղի օրենքներին և սովորույթներին:

5. Անցնել անծուխ այլընտրանքների։ Ծխախոտի տաքացման սարքերը չեն արտազատում ծուխ։ Փոխարենը առաջանում է աերոզոլ, որը պարունակում է վնասակար նյութերի զգալիորեն ցածր մակարդակ։ Ուսումնասիրությունները ցույց են տվել, որ այրման և ծխախոտի ծխի բացակայության պատճառով ծխախոտի տաքացման սարքերը բացասական ազդեցություն չեն ունենում օդի որակի վրա:¹ Այս ազդեցությունն օդի որակի թույլատրելի չափանիշներից ցածր է:

Արդյո՞ք տաքացվող ծխախոտի գոլորշին վնասակար է չծխողների համար

Լավագույն ընտրությունը, որը կարող է անել ցանկացած չափահաս ծխող, ծխախոտի և նիկոտինի օգտագործումից ընդհանրապես հրաժարվելն է: Չափահաս ծխողների համար, ովքեր հակառակ դեպքում կշարունակեին ծխել կամ օգտագործել նիկոտինային ապրանքներ, այսօր շուկայում կան բազմաթիվ անծուխ այլընտրանքներ, և տաքացվող ծխախոտային ապրանքները այդ հասանելի տարբերակներից են: Ծխախոտի տաքացման սարքերը չեն արտազատում ծուխ, քանի որ դրանք ոչ թե այրում, այլ տաքացնում են ծխախոտը՝ առաջացնելով գոլորշի՝ աերոզոլ:

Հաշվի առնելով դա՝ շատերին հետաքրքրում է, թե արդյոք ծխախոտի տաքացման սարքերը արտադրում են երկրորդային ծուխ: Տաքացվող ծխախոտային ապրանքները չեն այրում ծխախոտը ու չեն առաջացնում ծխախոտի ծուխ և հետևաբար ունեն վնասակար և հնարավոր վնասակար նյութերի զգալիորեն ավելի ցածր մակարդակ՝ համեմատած սիգարետի հետ: Սա չի նշանակում, որ անծուխ ապրանքները՝ ներառյալ տաքացվող ծխախոտը, զերծ են ռիսկերից:

¹Աղբյուրը. ՖՄԻ ուսումնասիրություն, որն իրականացվել է ISO/ՍՄԿ ստանդարտների համաձայն, իրական իրավիճակների պատկերմամբ և օդի որակի վերաբերյալ առկա ուղեցույցներով սահմանված շեմային սահմանների հիման վրա: