Դրույթներ ու պայմանները

ՖՄԱ Թվային Հարթակներից օգտվելու պայմանները, 14 ապրիլի, 2026թ.

Սույն ՖՄԱ Թվային Հարթակների Պայմանները սահմանում են ՖՄԱ-ի բոլոր թվային հարթակների օգտագործման ընդհանուր պայմաններն ու դրույթները, յուրաքանչյուր հարթակի համար գրանցման ընթացակարգը, անձնական տվյալների մշակման խնդիրները և այլն։

Խնդրում ենք նկատի ունենալ, որ սույն պայմանների ոչ մի դրույթ և Թվային Հարթակների բովանդակության ոչ մի տարր չի կարող համարվել հանրային առաջարկ ՖՄԱ-ի կամ Վաճառողի կողմից։ Ապրանքի բնութագրերի, գների և այլ տեղեկությունների վերաբերյալ տեղեկատվությունը Թվային Հարթակներում տեղադրվել է միայն տեղեկատվական նպատակներով և որպեսզի հնարավորություն տրվի Ձեզ ձևավորելու Վաճառողին ուղղված առաջարկ՝ գնման և վաճառքի պայմանագիր կնքելու համար։

1. Պայմաններ և Սահմանումներ

Սույն ՖՄԱ Թվային Հարթակների Օգտագործման Պայմանները կիրառվելու դեպքում, ստորև նշված տերմիններն ունեն հետևյալ իմաստը, եթե համատեքստից այլ բան չի բխում.

1.1. ՖՄԱ Թվային Հարթակներ՝ պետք է նշանակի ՖՄԱ-ի հետևյալ Թվային Հարթակները՝ am.iqos.com կայք («Կայք»), IQOS ARMENIA Viber բոտ և Telegram բոտ;

1.2. ՖՄԱ Թվային Հարթակների Օգտագործման Պայմաններ՝ պետք է նշանակի ՖՄԱ-ի բոլոր Թվային Հարթակների օգտագործման սույն պայմանները;

1.3. «ՖՄԱ» ՍՊԸ, ՖՄԱ կամ մենք (տարբեր դեպքերում)՝ Ապրանքները ներմուծող «Ֆիլիպ Մորրիս Արմենիա» Սահմանափակ Պատասխանատվությամբ Ընկերությունը, հասցե՝ 0010, Վազգեն Սարգսյան 2, «Կամար» բիզնես-կենտրոն, 8-րդ հարկ, ՀՎՀՀ՝ 00454054:

1.4. Իրավասու Երրորդ Անձինք՝ մեր հետ փոխկապակցված անձինք և լիցենզատուները, գործակալները, դիստրիբյուտորները, կապալառուները, արտաքին խորհրդատուները և ծառայություններ մատուցողները, ինչպես նաև տեղեկատվություն տրամադրող արտաքին ընկերությունները, որոնց հետ կնքվել են համաձայնագրեր (պայմանագրեր)` մեր/մեր հետ փոխկապակցված անձանց համար և/կամ մեր/մեր հետ փոխկապակցված անձանց անունից ծառայությունների մատուցման կամ այլ գործողությունների իրականացման նպատակով, և որոնք նշված համաձայնագրերի (պայմանագրերի) պայմանների համաձայն իրավունք չունեն օգտագործել կամ բացահայտել տեղեկատվություն՝ բացառությամբ այն դեպքերի, երբ դա արվում է մեր/մեր հետ փոխկապակցված անձանց համար և/կամ մեր/մեր հետ փոխկապակցված անձանց անունից ծառայությունների մատուցման կամ այլ գործողությունների իրականացման նպատակով:

1.5. Ապրանքներ՝ ծխախոտ պարունակող արտադրանքներ, տաքացվող ծխախոտային արտադրանքներ, ծխախոտ տաքացնող էլեկտրոնային համակարգեր և այլ ապրանքներ, որոնց մասին տեղեկատվությունը հասանելի է ՖՄԱ Թվային Հարթակներում:

1.6. Վաճառող՝ Ապրանքների Վաճառքի Պայմաններում նշված անձ, որից ՖՄԱ Թվային Հարթակների գրանցված օգտատերերը կարող են պատվիրել կամ գնել Ապրանքներ:

1.7. Ինտերնետ-խանութ՝ կայքի մի մասն է (որտեղ հասանելի է «ԳՆԵԼ» բաժինը), որտեղ ներկայացվում կամ վաճառվում են Ապրանքները և որտեղից Կայքի գրանցված օգտատերերը կարող են Ապրանքներ պատվիրել կամ գնել Վաճառողից: Ինտերնետ-խանութի ծառայություններից օգտվելու համար անհրաժեշտ է լրացուցիչ կարդալ և ընդունել նաև Ապրանքների վաճառքի պայմանները:

1.8. Ապրանքների վաճառքի պայմաններ՝ Ինտերնետ-խանութից Ապրանք պատվիրելու կամ գնելու դեպքում, Ձեր և Վաճառողի միջև հարաբերությունները կարգավորող փաստաթուղթ: Ապրանքների Վաճառքի Պայմանները հանդիսանում են սույն ՖՄԱ Թվային Հարթակների Օգտագործման Պայմանների անբաժանելի մասը:

2. ՖՄԱ Թվային Հարթակների Օգտագործում

2.1. ՖՄԱ Թվային Հարթակները նախատեսված են միայն 18 տարին լրացած և Հայաստանի Հանրապետությունում բնակվող Ապրանքների սպառողների համար, որոնք ցանկանում են Ապրանքների վերաբերյալ սպառողի տեղեկատվություն ստանալ: ՖՄԱ Թվային Հարթակներից օգտվելու համար անհրաժեշտ է կարդալ և ընդունել ՖՄԱ Թվային Հարթակների Օգտագործման Պայմանները: Եթե Դուք համաձայն չեք ՖՄԱ-ի Թվային Հարթակների Օգտագործման Պայմաններին, ապա Դուք իրավունք չունեք օգտվել վերը նշված հարթակներից։

2.2. ՖՄԱ Թվային Հարթակները օրինական կերպով պատկանում են ՖՄԱ-ին և շահագործվում են վերջինիս կողմից: Թվային Հարթակների միջոցով ՖՄԱ-ն Ձեզ տրամադրում է Ապրանքի վերաբերյալ անհրաժեշտ, հասանելի, հուսալի և արդի տեղեկատվություն, որպեսզի Դուք կարողանաք կատարել գիտակցված և կոմպետենտ ընտրություն: Այս Հարթակների միջոցով Դուք կարող եք նաև օգտվել Ինտերնետ-խանութի ծառայություններից, որի համար անհրաժեշտ է կարդալ և ընդունել Ապրանքների Վաճառքի Պայմանները՝ այդպիսով Վաճառողի հետ համապատասխան հարաբերությունների մեջ մտնելով: Նշենք, որ ՖՄԱ-ն սույն ՖՄԱ Թվային Հարթակում չի հանդիսանում Ապրանք Վաճառող և Ապրանքի հետ կապված գործարքների մասով որևէ հարաբերության մեջ չի մտնում Ձեզ հետ:

2.3. ՖՄԱ Թվային Հարթակների Հասանելիություն

ՖՄԱ Թվային Հարթակներին հասանելիությունը տրամադրվում է միայն հետևյալ պայմանները բավարարելու դեպքում.

- օգտատերն առնվազն 18 տարեկան է,

- օգտատերը հանդիսանում է Ապրանքների սպառող, որը ցանկանում է Ապրանքների մասին սպառողի տեղեկատվություն ստանալ,

- օգտատերը բնակվում է Հայաստանի Հանրապետությունում:

Եթե ցանկանում եք Ապրանքների մասին հավելյալ տեղեկություններ ստանալ մեզանից և/կամ օգտվել Ինտերնետ-խանութի ծառայութուններից, անհրաժեշտ է գրանցվել ՖՄԱ Թվային Հարթակներում:

Գրանցվելուց Դուք համապատասխան մուտքի անուն ու գաղտնաբառ ընտրելու հնարավորություն կունենաք, որոնք անհատական են և ենթակա չեն փոխանցման այլ անձանց: Դրանց միջոցով Դուք կկարողանաք մուտք գործել Կայք և օգտվել Կայքի համապատասխան բաժիններից: Դուք պետք է հաստատեք Ձեր հեռախոսահամարը՝ մուտքագրելով մեկանգամյա կոդը:

Այլ ՖՄԱ Թվային Հարթակներում գրանցվելիս դուք պարտավոր եք մուտքագրել մեկանգամյա կոդը՝ Ձեր հեռախոսահամարը հաստատելու համար։ Հեռախոսահամարը մեկանգամյա կոդով չհաստատելու դեպքում կարող է մերժվել հաշվի ստեղծումը և սահմանափակվել մուտքը մեկ կամ բոլոր ՖՄԱ Թվային Հարթակներ։

Մենք իրավունք ունենք հսկել Կայք մուտք գործելը և ստուգել Կայքի Ձեր օգտագործումը:

2.4. Ձեզանից Տեղեկությունների Ստացումը

ՖՄԱ Թվային Հարթակներում գրանցվելուց հետո, Ձեր անունը կընդգրկվի ծխախոտ/նիկոտին պարունակող արտադրանքների չափահաս սպառողների տվյալների շտեմարանում: Սա նշանակում է, որ Դուք կստանաք ծխախոտ/նիկոտին պարունակող արտադրանքների և ծխախոտային/նիկոտին պարունակող ապրանքներին առնչվող տարբեր հարցերի վերաբերյալ տեղեկատվություն և նյութեր, ինչպես նաև մեր մյուս կայքերն այցելելու հրավերներ: Ընդունելով ՖՄԱ Թվային Հարթակների Օգտագործման Պայմանները՝ Դուք մեզ իրավունք եք տալիս նշված տեղեկատվությունն ուղարկել Ձեզ էլեկտրոնային հաղորդակցության կամ այլ միջոցներով (այդ թվում հեռախոսով, էլ-փոստով, փոստով, SMS/MMS հաղորդագրությունների միջոցով):

3. ՖՄԱ Թվային Հարթակների օգտագործման դադարեցումը

3.1. ՖՄԱ Թվային Հարթակների օգտագործումը դադարեցնելու և ապագրանցվելու համար, Դուք կարող եք ցանկացած ժամանակ համապատասխան պահանջով զանգահարել մեր Հաճախորդների Սպասարկման Կենտրոն՝ 00-374-44-004767 համարով: Դուք կարող եք նաև ցանկացած ժամանակ պահանջել դադարեցնել ծխախոտ/նիկոտին պարունակող արտադրանքների և աքսեսուարների սպառողի տեղեկատվության և նյութերի, ինչպես նաև մեր այլ կայքեր այցելելու հրավերների ուղարկումը` զանգահարելով Հաճախորդների սպասարկման մեր կենտրոն՝ 00-374-44-004767 համարով: Բացի նշվածից, Դուք կարող եք ցանկացած ժամանակ պահանջել հեռացնել Ձեզ ծխախոտ/նիկոտին պարունակող արտադրանքների չափահաս սպառողների տվյալների շտեմարանից՝ զանգահարելով Հաճախորդների սպասարկման մեր կենտրոն՝ 00-374-44-004767 համարով: Նման պահանջ ներկայացվելու դեպքում, ՖՄԱ-ն կձեռնարկի Ձեր գրանցումն արագորեն դադարեցնելու համար անհրաժեշտ միջոցներ և կջնջի Ձեր անձնական տվյալները` 3 աշխատանքային օրվա ընթացքում: Ծխախոտ/նիկոտին պարունակող արտադրանքների չափահաս սպառողների տվյալների շտեմարանից հեռացվելու դեպքում, Դուք կդադարեք մեզանից ստանալ նշված տեղեկատվությունը:

4. Գաղտնիություն և Անձնական Տվյալների Պաշտպանություն

Օգտվելով ՖՄԱ Թվային Հարթակներից և ընդունելով ՖՄԱ Թվային Հարթակներից Օգտագործման Պայմանները՝ Դուք հաստատում եք, որ առնվազն 18 տարեկան եք, բնակվում եք Հայաստանի Հանրապետությունում և հանդիսանում եք Ապրանքների սպառող: Դուք հասկանում և ընդունում եք Ձեր անձնական տվյալների մշակման հետևյալ պայմաններն ու նպատակները, ինչպես նաև այն, որ դրանց մշակումը հիմք չի հանդիսանում Ձեզ որևէ վարձատրություն կամ հատուցում վճարելու համար:

ՖՄԱ ՍՊԸ-ն պահպանում է իր հաճախորդների տվյալների գաղտնիությունը: Մենք պատշաճ միջոցներ ենք ձեռնարկում Ձեր կողմից մեզ տրամադրված անձնական տվյալները պաշտպանելու համար: ՖՄԱ Թվային Հարթակներից օգտվելու պայմաններում նկարագրված են, թե ինչպիսի անձնական տվյալներ ենք մենք ստանում, ինչպես ենք դրանք օգտագործում, ում ենք դրանք տրամադրում: Այստեղ նշվում է նաև, որ Դուք համաձայն եք, որ ՖՄԱ ՍՊԸ-ն մշակի ձեր անձնական տվյալները, ինչպես նաև նկարագրվում են այն միջոցները, որոնք ձեռնարկվում են տեղեկատվության անվտանգությունն ապահովելու համար:

ՖՄԱ Թվային Հարթակներից Օգտագործման Պայմանները չընդունելու դեպքում, Դուք չեք կարող օգտվել Կայքից, կամ այլ թվային հարթակներից: Մենք իրավունք ունենք ցանկացած ժամանակ փոփոխել ՖՄԱ Թվային Հարթակներից Օգտագործման Պայմանները և խորհուրդ ենք տալիս Ձեզ պարբերաբար վերանայել դրանք:

4.1. Անձնական Տվյալները Մշակելու Համաձայնություն

Գրանցվելով մեր համակարգերում և/կամ Կայքում՝ Դուք համաձայնում եք, որ մենք օգտագործենք և մշակենք Ձեր անձնական տվյալները Թվային Հարթակներից օգտվելու պայմաններին ու ՖՄԻ Գաղտնիության Պահպանման ծանուցման համաձայն և կատարենք «Անձնական տվյալների պաշտպանության մասին» Հայաստանի Հանրապետության օրենքով նախատեսված այլ գործողություններ:

Դուք հաստատում եք, որ Ձեր բոլոր անձնական տվյալները հուսալի են և ճշգրիտ: Դուք լիովին հասկանում եք, որ պատասխանատվություն եք կրում ՖՄԱ ՍՊԸ-ին ոչ ճշգրիտ անձնական տվյալներ տրամադրելու համար:

Դուք հաստատում եք, որ Ձեր կամքով և անվճար ՖՄԱ ՍՊԸ-ին տրամադրում եք համաձայնություն առ այն, որ քանի դեռ Դուք գրանցված եք մեր համակարգերում և/կամ Կայքում, Ձեր ցանկացած անձնական տվյալները (այդ թվում` անունը, ազգանունը, հայրանունը, ծննդյան թիվը, բնակության հասցեն, տեղական քաղաքային և/կամ բջջային հեռախոսահամարը, էլեկտրոնային փոստի հասցեն, ծխախոտ և/կամ նիկոտին պարունակով արտադրանքի սպառող լինելու մասին տեղեկատվությունը, տեղեկատվություն թե ինչպես և ինչ հաճախականությամբ եք օգտագործում սարքը, սարքից ստացված այլ տեղեկատվություն, և այլ տեղեկատվություն, որի վերաբերյալ տվել եք լրացուցիչ համաձայնություն և այլն) մշակվեն ՖՄԱ ՍՊԸ-ի ծխախոտ/նիկոտին պարունակող արտադրանքների չափահաս սպառողների տվյալների շտեմարանում, այդ թվում` հավաքվեն, գրանցվեն և ներառվեն տվյալների շտեմարաններում, կուտակվեն, պահպանվեն, ադապտացվեն, փոփոխվեն, թարմացվեն, օգտագործվեն և տարածվեն (բաշխվեն, փոխանցվեն, հասանելի դառնան ցանկացած երրորդ անձանց՝ այդ թվում ոչ ռեզիդենտ երրորդ անձանց (հարաբերությունների կողմ հանդիսացող օտարերկրյա անձինք)՝ առանց այդ մասին Ձեզ առանձին ծանուցում տրամադրելու)), ապաանձնավորվեն, ոչնչացվեն անձնական տվյալների շտեմարանում` ինչպես Հայաստանի Հանրապետության տարածում, այնպես էլ Հայաստանի Հանրապետության տարածքից դուրս, ինչպես նաև այլ կերպ հավաքվեն, պահպանվեն, օգտագործվեն և տարածվեն հետևյալ նպատակներով`

(1) Մեր համակարգերում և/կամ ՖՄԱ Թվային Հարթակներում Ձեզ գրանցելու համար,

(2) Սպառողների իրավունքների պաշտպանության Հայաստանի Հանրապետության օրենսդրության համաձայն Ձեզ՝ որպես չափահաս սպառողի, նախատեսվող տեղեկատվական միջոցառումների և հաճախորդների ծառայությունների, Ապրանքների, դրանց օգտագործման համար նախատեսված սարքերի վերաբերյալ համապատասխան և հուսալի տեղեկատվություն, ինչպես նաև վաճառքի կետերի մասին տեղեկատվություն տրամադրելու նպատակով,

(3) Ինտերնետ-խանութի միջոցով գործարքներ կնքելու և իրականացնելու, և նշված գործարքների պայմանները կատարելու նպատակով,

(4) հաճախորդների սպասարկման կամ ցանկացած այլ նպատակի համար, որը Դուք կնշեք առանձին նամակով կամ բանավոր՝ հեռախոսազանգի միջոցով,

(5) սպասարկման որակը բարելավելու նպատակով,

(6) շուկայի հետազոտություն իրականացնելու կամ նման հետազոտություն իրականացնելու պահանջի դեպքում,

(7) Սպառողների փորձը բարելավելու նպատակով,

(8) Ապրանքների ու ծառայությունների բարելավման, մեր սպառողներին և թե ինչպես են իրենք մեր ապրանքներն օգտագործում ավելի լավ հասկանալու նպատակով:

Սույնով Դուք ցանկացած՝ այդ թվում ոչ ռեզիդենտ երրորդ անձանց (հարաբերությունների կողմ հանդիսացող օտարերկրյա անձինք)՝ իրավունք եք տալիս մշակել Ձեր անձնական տվյալները նշված նպատակներով:

Դուք իրավունք եք վերապահում ՖՄԱ ՍՊԸ-ին, վերջինիս մասնաճյուղերին, փոխկապակցված անձանց և նրանց լիազորված անձանց տեղեկատվություն ուղարկել Ձեր անձնական տվյալների մշակման նպատակների համաձայն Ձեր կողմից նշված հասցեներին, էլեկտրոնային փոստի հասցեներին և հեռախոսահամարներին: Դուք համաձայնում եք անմիջապես տեղեկացնել ՖՄԱ ՍՊԸ-ին Ձեր անձնական տվյալներում և ծխախոտ/նիկոտին պարունակող արտադրանքների սպառողի կարգավիճակում տեղի ունեցած ցանկացած փոփոխության վերաբերյալ: Դուք նաև հաստատում եք, որ ՖՄԱ ՍՊԸ-ն կարող է ստուգել Ձեր անձնական տվյալները, այդ թվում՝ բջջային հեռախոսահամարը, տաքացվող ծխախոտային արտադրանքների կամ ծխախոտ տաքացնող սարքերի սպառողի Ձեր կարգավիճակը և/կամ Ձեր կողմից տրամադրված ցանկացած այլ տեղեկություն՝ օգտագործելով Ձեր կողմից տրամադրված կոնտակտային տվյալները: Սույն համաձայնությունը գործում է մինչև Ձեր կողմից ՖՄԱ-ի փոստային հասցեին համաձայնությունը հետ կանչելու մասին գրավոր ծանուցում ուղարկելը կամ Ձեր կողմից Կայքի օգտագործումը դադարեցնելը և/կամ սույն փաստաթղթի 3.1 կետի համաձայն ծխախոտ/նիկոտին պարունակող արտադրանքների չափահաս սպառողների տվյալների շտեմարանից Ձեզ հեռացնելը:

Եթե ՖՄԱ Թվային Հարթակների Օգտագործման Պայմաններն ընդունելիս, Դուք տրամադրում եք գաղտնի տեղեկատվություն (այդ թվում` Ձեր ֆիզիկական և հոգեկան առողջության կամ վիճակի մասին տեղեկատվություն), Դուք տրամադրում եք մեզ Ձեր հստակ համաձայնությունը նշված գաղտնի տեղեկատվությունը մշակելու համար:

Որպես անձնական տվյալների սուբյեկտ՝ Դուք իրավունք ունեք`

1) ծանոթանալ մեր կողմից մշակվող Ձեր անձնական տվյալներին,

2) պահանջել ուղղել, թարմացնել, ուղեփակել և ոչնչացնել Ձեր անձնական տվյալները` ՖՄԱ Թվային Հարթակների Օգտագործման Պայմանները և «Անձնական տվյալների պաշտպանության մասին» Հայաստանի Հանրապետության օրենքով սահմանված դեպքերում,

3) հետ կանչել անձնական տվյալների մշակման Ձեր համաձայնությունը՝ ՖՄԱ Թվային Հարթակների Օգտագործման Պայմաններով սահմանված ընթացակարգի համաձայն,

4) պահանջել դադարեցնել Ձեր անձնական տվյալների մշակումը՝ ՖՄԱ Թվային Հարթակների Օգտագործման Պայմաններով և «Անձնական տվյալների պաշտպանության մասին» Հայաստանի Հանրապետության օրենքով սահմանված դեպքերում,

5) ՖՄԱ Թվային Հարթակների Օգտագործման Պայմաններով և «Անձնական տվյալների պաշտպանության մասին» Հայաստանի Հանրապետության օրենքով սահմանված այլ գործողություններ:

Անձնական տվյալների մշակման Ձեր համաձայնությունը հետ կանչելու դեպքում, ՖՄԱ-ն անհրաժեշտ միջոցներ կձեռնարկի ՖՄԱ Թվային Հարթակներում Ձեր գրանցումն արագորեն դադարեցնելու, Ձեր անձնական տվյալների մշակումը դադարեցնելու և Ձեր անձնական տվյալները ծխախոտ/նիկոտին պարունակող արտադրանքների չափահաս սպառողների տվյալների շտեմարանից` 3 աշխատանքային օրում ջնջելու ուղղությամբ:

ՖՄԱ ՍՊԸ-ի կողմից Ձեր անձնական տվյալների մշակմանն առնչվող հարցերի դեպքում, գրեք մեզ հետևյալ հասցեով՝ ՀՀ, ք. Երևան, Վազգեն Սարգսյան 2, «Կամար» բիզնես-կենտրոն, 8-րդ հարկ, ՖՄԱ ՍՊԸ:

4.2. Ինչպես ենք Մենք Պաշտպանում Ձեր Անձնական Տվյալները

Անձնական տվյալների անվտանգությունը խիստ կարևոր է մեզ համար: Մենք պահպանում ենք և հետևում ենք, որ Իրավասու երրորդ անձինք նույնպես պահպանեն համապատասխան վարչական, տեխնիկական և ֆիզիկական անվտանգության պահանջները, որոնք նախատեսված են ՖՄԱ Թվային Հարթակներն այցելելիս կամ օգտվելիս Ձեր կողմից տրամադրված անձնական տվյալները չարտոնված հրապարակումից, օգտագործումից, փոփոխությունից կամ ոչնչացումից պաշտպանելու համար: Մենք օգտվում ենք հաղորդակցության պաշտպանված ուղիներից՝ Ձեր անձնական տվյալների փոխանցման անվտանգությունն ապահովելու համար:

4.3. Ինչպես ենք Մենք Օգտագործում Անձնական Տվյալները

Երբ այցելում եք մեր Թվային Հարթակները, Ձեր բրաուզերն ավտոմատ կերպով մեզ է ուղարկում Ձեր IP հասցեն և որոշ այլ տեղեկություններ (օրինակ՝ Ձեր կողմից օգտագործվող բրաուզերի տեսակը): ՖՄԱ ՍՊԸ-ն և վերջինիս մասնաճյուղերը, փոխկապակցված անձինք և նրանց լիազորված անձինք, գաղտնիության պահպանման պայմանագրերի շրջանակներում, իրավունք ունեն ավտոմատացված և ոչ ավտոմատացված կերպով մշակել Ձեր անձնական տվյալները, այդ թվում` հավաքել, համակարգել, կուտակել, պահպանել, թարմացնել, փոփոխել, օգտագործել, բաշխել (այդ թվում` փոխանցել և նաև այլ երկիր փոխանցել), ապաանձնավորել, ուղեփակել, ոչնչացնել Ձեր անձնական տվյալները վերոնշյալ որևիցե նպատակով և մեր աշխատակողները և/կամ նրանց լիազոր ներկայացուցիչները, Ձեր անձնական տվյալների մշակման հետ կապված, կապ կհաստատեն Ձեզ հետ հաղորդակցության էլեկտրոնային միջոցներով կամ այլ կերպ (այդ թվում` հեռախոսով, փոստով, էլ-փոստով, SMS/MMS հաղորդագրությունների միջոցով)՝ ՖՄԱ Թվային Հարթակների Օգտագործման Պայմանների և «Անձնական տվյալների պաշտպանության մասին» Հայաստանի Հանրապետության օրենքի պահանջների համաձայն:

4.4. Մեր Կողմից Տրամադրվող Տեղեկատվությունը

ՖՄԱ ՍՊԸ-ն երրորդ անձանց, վերջիններիս մարքեթինգային նպատակներով, չի փոխանցում կամ բացահայտում ՖՄԱ Թվային Հարթակներում ստացվող Ձեր անձնական տվյալները: ՖՄԱ Թվային Հարթակներում ստացված Ձեր անձնական տվյալները կարող են տրամադրվել ցանկացած Իրավասու երրորդ անձի, կիրառելի օրենսդրությամբ թույլատրվածի սահմաններում, փոխանցվել մեկ այլ երկիր, որտեղ մենք և/կամ Իրավասու երրորդ անձինք իրականացնում ենք գործունեություն (ներառյալ, սակայն չսահմանափակվելով` անձնական տվյալների ներմուծում և այլն): ՖՄԱ ՍՊԸ-ն և Իրավասու երրորդ անձինք կարող են նաև բացահայտել Ձեր անձնական տվյալները, եթե դա պահանջվում է կիրառելի օրենսդրությամբ: Ծխախոտ/նիկոտին պարունակող արտադրանքների չափահաս սպառողների մեր տվյալների շտեմարանում ընդգրկվելու դեպքում, Դուք հասկանում և ընդունում եք անձնական տվյալների բացահայտման և փոխանցման վերոնշյալ պայմանները:

5. Մտավոր Սեփականության Իրավունքներ

5.1. ՖՄԱ Թվային Հարթակները և դրանց ողջ բովանդակությունը (ներառյալ, սակայն չսահմանափակվելով՝ ծրագրերը, ֆայլերը, գրաֆիկան և այլ տեղեկատվությունը) հանդիսանում են ՖՄԱ ՍՊԸ-ի, վերջինիս հետ փոխկապակցված անձանց և/կամ Կայքում նշված երրորդ անձանց և/կամ լիցենզատուների սեփականությունը և պաշտպանված են «Հեղինակային իրավունքի և հարակից իրավունքների մասին» Հայաստանի Հանրապետության օրենքով, «Ապրանքային նշանների մասին» Հայաստանի Հանրապետության օրենքով, ինչպես նաև Հայաստանի Հանրապետության և այլ այլ երկրների իրավական ակտերով: Եթե այլ բան հստակ կերպով սահմանված չէ, ՖՄԱ Թվային Հարթակները նախատեսված են բացառապես Ձեր անձնական կարիքների համար: Առանց նախնական գրավոր թույլտվության այլ նպատակներով ՖՄԱ Թվային Հարթակների նյութերի օգտագործումը (ներառյալ, սակայն չսահմանափակվելով` բիզնես գործունեության նպատակով ՖՄԱ Թվային Հարթակների օգտագործումը, Կայքից ստացված որևէ նյութի, տեղեկատվության, ծրագրի, ապրանքների կամ ծառայությունների փոփոխությունը, բաշխումը, փոխանցումը, ստեղծումը, հեռարձակումը, վերարտադրությունը, հրապարակումը, լիցենզավորումը կամ կրկնօրինակումը, ինչպես նաև Կայքից ստացված նյութերի, տեղեկատվության, ծրագրերի, ապրանքների կամ ծառայությունների հիման վրա ածանցյալ պրոդուկտների ստեղծումը, փոխանցումն ու վաճառքը) խստիվ արգելվում է:

6. Փոփոխություններ Սույն Պայմաններում

6.1. Մենք իրավունք ունենք ցանկացած ժամանակ ամբողջությամբ կամ մասամբ (օրինակ՝ գաղտնիության դրույթը) փոփոխել ՖՄԱ Թվային Հարթակների Օգտագործման Պայմանները, այդ իսկ պատճառով խորհուրդ ենք տալիս պարբերաբար վերանայել դրանք:

7. Եզրափակիչ դրույթներ

7.1 Երաշխիքների Բացառում

Դուք օգտվում եք ՖՄԱ Թվային Հարթակներից սեփական պատասխանատվությամբ: ՖՄԱ Թվային Հարթակները տրամադրվում են «ինչպես որ կա» և «ինչպես որ հասանելի է» սկզբունքով: ՖՄԱ ՍՊԸ-ն և/կամ Իրավասու երրորդ անձինք անվերապահորեն և բացահայտ կերպով հրաժարվում են տրամադրել ցանկացած տեսակի երաշխիք (ինչպես սահմանավող, այնպես էլ ենթադրվող)՝ ներառյալ, սակայն չսահմանափակվելով` որակի և այս կամ այն նպատակով պիտանելիության երաշխիքներ, երաշխիքներ առ այն, որ Թվային Հարթակների նյութերը չեն խախտում որևէ իրավունք, երաշխիքներ առ այն, որ ՖՄԱ Թվային Հարթակների մուտքը կունենա շարունակական հասանելիություն ու կաշխատի անխափան, կլինի անվտանգ և որ տրված ՖՄԱ Թվային Հարթակը կամ Կայքը սպասարկող սերվերները չեն պարունակի վիրուսներ, որ Կայքում առկա տեղեկատվությունը կլինի ամբողջական, ճշգրիտ և արդիական: Կայքից ցանկացած նյութ Դուք բեռնում եք սեփական հայեցողությամբ և պատասխանատվությամբ: Նշված տվյալների բեռնման արդյունքում, Ձեր անձնական համակարգչին պատճառվող ցանկացած վնասի կամ տվյալների կորստի համար պատասխանատվություն եք կրելու միայն դուք: Ի հավելումն վերոնշյալի՝ Դուք համաձայնում եք նաև կրել նշված վնասի հետ կապված սպասարկման կամ վերականգնման ծախսերը:

7.2 Պատասխանատվության Սահմանափակում

Կիրառելի օրենսդրությամբ թույլատրելի ողջ ծավալով, Դուք հասկանում և ընդունում եք, որ ՖՄԱ-ն ՍՊԸ-ն և/կամ Իրավասու երրորդ անձինք պատասխանատու չեն այն վնասների համար, որոնք Դուք կրել եք Ձեր կողմից ՖՄԱ Թվային Հարթակներն օգտագործելու կամ այն օգտագործելու անկարողության հետևանքով, ինչպես նաև մեր կամ Իրավասու երրորդ անձանց հետ ՖՄԱ Թվային Հարթակների հետ կապված հաղորդակցության արդյունքում կամ դրանից բխող մեր կամ Իրավասու երրորդ անձանց փաստացի կամ հնարավոր ցանկացած գործողությունների հետևանքով: Սույն դրույթները կիրառելի են սխալների, բացթողումների, ընհատումների, խափանումների, ուշացումների, համակարգչային վիրուսների, Ձեր կողմից շահույթի կամ տեղեկատվության կորստի, Ձեր փոխանցումներին կամ Ձեր տեղեկատվությանը չարտոնված հասանելիության կամ խախտման, ինչպես նաև պատճառված այլ նյութական կամ ոչ նյութական վնասի նկատմամբ: Պատասխանատվության սահմանափակման սույն դրույթները կիրառվում են անկախ այն հանգամանքից՝ վնասը պատճառվել է պայմանագրի պայմանների ներքո անփութության հետևանքով, թե սույն ՖՄԱ Թվային Հարթակում հասանելի տեղեկատվության, ծառայությունների, ապրանքների կամ նյութերի օգտագործման կամ դրանք օգտագործելու կամ տրամադրելու անկարողության հետևանքով, նույնիսկ այն պարագայում, եթե մենք կամ Իրավասու երրորդ անձինք հայտնաբերել ենք նման անփութությունը կամ զգուշացված են եղել նշված վնասի հավանականության մասին: Մենք իրավունք ունենք ցանկացած ժամանակ, առանց նախապես տեղեկացնելու, երկարաձգել Կայքի գործողությունը, փոփոխել, կասեցնել կամ ամբողջությամբ փակել ՖՄԱ Թվային Հարթակները կամ դրանց մի մասը՝ առանց դրա համար որևէ պատասխանատվություն կրելու:

ՖՄԱ Թվային Հարթակները կարող են պարունակել այլ կայքերի հղումներ: Մենք պատասխանատվություն չենք կրում Ձեր կողմից նշված կայքերի որևէ օգտագործման համար: ՖՄԱ Թվային Հարթակներում տեղադրված այլ կայքերի հղումները զուտ տեղեկատվական բնույթ են կրում, և դա որևէ կերպ չի նշանակում, որ մենք աջակցում ենք այն անձանց, ում նշված կայքերը պատկանում են, կամ երաշխավորում ենք այդ կայքերում ներկայացված ապրանքների կամ ծառայությունների որակը: Մենք նաև պատասխանատվություն չենք կրում նշված կայքերում տեղադրված տեղեկատվության ճշգրտության և հուսալիության համար:

7.3 Հատուցում

Դուք համաձայնում եք հատուցել ՖՄԱ ՍՊԸ-ին և Իրավասու երրորդ անձանց, ինչպես նաև նրանց պաշտոնյաներին, տնօրեններին, աշխատողներին, գործակալներին, լիցենզատուներին և մատակարարներին ցանկացած տեսակի վնաս, պատասխանատվություն և ծախս, ներառյալ ողջամիտ փաստաբանական և դատական ծախսերը, որոնք բխում են կամ առաջանում են Ձեր կամ Ձեր ինտերներնետային կապից օգտվող ցանկացած այլ անձի կողմից ՖՄԱ Թվային Հարթակներից օգտվելու սույն պայմանները խախտելու (ներառյալ, սակայն չսահմանափակվելով` անփութության կամ դիտավորյալ գործողությունների արդյունքում) դեպքում, ինչպես նաև վերջիններիս զերծ պահել նշվածներից: Այն դեպքում, երբ Ձեր գործողություններն առաջացնում են Կայքի կամ ՖՄԱ Թվային Հարթակների ու Ձեր կամ այլ անձանց միջև տվյալների փոխանցումն ապահովող համակարգերի տեխնիկական խափանումներ, Դուք համաձայնում եք պատասխանատվություն կրել ցանկացած վնասի, այդ թվում` նշված խնդիրների կապակցությամբ կամ արդյունքում առաջացող ողջամիտ փաստաբանական և դատական ծախսերի համար ու հատուցել դրանք:

7.4 ՖՄԱ Թվային Հարթակների Հասանելիության Արգելափակում

Ձեր հասանելիությունը ՖՄԱ Թվային Հարթակներին կարող է արգելափակվել հետևյալ դեպքերում.

• Դուք այլևս չեք բավարարում ՖՄԱ Թվային Հարթակներից օգտվելու համար պահանջվող ցանկացած պահանջ,


• Ձեր կողմից տրամադրվել են սխալ անձնական տվյալներ,


• Դուք դիմել եք մեզ՝ խնդրելով դադարեցնել ՖՄԱ Թվային Հարթակներին Ձեր հասանելիությունը,


• Ձեզ որևէ պատճառով հեռացրել են ծխախոտ/նիկոտին պարունակող արտադրանքների չափահաս սպառողների մեր տվյալների շտեմարանից,
  
• Դուք ունեք մեկից ավել մուտքի անուն:

7.5 Ընդդատություն

ՖՄԱ Թվային Հարթակներից Օգտագործման Պայմանները, ինչպես նաև Ձեր կողմից ՖՄԱ Թվային Հարթակների օգտագործումը, կարգավորվում են Հայաստանի Հանրապետության իրավունքով և Դուք անվերապահորեն ընդունում եք Հայաստանի Հանրապետությում գտնվող իրավասու դատարանների բացառիկ ընդդատությունը` ՖՄԱ Թվային Հարթակներից Օգտագործման Պայմանների գործադրման նպատակով ցանկացած գործողության համար: Մենք գիտակցում ենք, որ Դուք ՖՄԱ Թվային Հարթակներին հասանելիություն եք ստանում աշխարհի տարբեր երկրներից: Բոլոր ՖՄԱ Թվային Հարթակները ստեղծվել են Հայաստանի Հանրապետության օրենսդրության պահանջների համաձայն: ՖՄԱ ՍՊԸ-ի հետ փոխկապակցված անձինք կամ այլ Իրավասու երրորդ անձինք իրենց գործունեությունն իրականացնում են աշխարհի տարբեր երկրներում և առաջնորդվում են այն երկրների օրենսդրության պահանջներով, որտեղ վերջիններս գործում են: Եթե սույն ՖՄԱ Թվային Հարթակներում տեղադրված որևէ նյութ կամ Ձեր կողմից ՖՄԱ Թվային Հարթակների օգտագործումը խախտում է այն երկրի օրենքը, որտեղ Դուք գտնվում եք ՖՄԱ Թվային Հարթակներ մուտք գործելու պահին, ապա սույն հարթակները նախատեսված չեն Ձեր համար և Դուք չեք կարող դրանցից օգտվել: Դուք պատասխանատու եք Ձեր գտնվելու երկրի օրենսդրությանը ծանոթանալու և նշված օրենսդրության պահանջները պահպանելու համար:

ՖՄԱ Թվային Հարթակներից Օգտագործման Պայմանները կիրառելի են միայն սույն ՖՄԱ Թվային Հարթակների նկատմամբ, դրանց գործողությունը չի վերաբերում որևէ այլ կայքի, այդ թվում` ՖՄԱ ՍՊԸ-ի և/կամ Իրավասու երրորդ անձանց և/կամ այլ երրորդ անձանց կայքերին, որոնք կարող են կարգավորվել այլ պայմաններով և քաղաքականություններով: