Նիկոտինի դերի մասին

Նիկոտինը չէ, որ ծխախոտի ծուխն այդքան վնասակար է դարձնում: Դա պայմանավորված է քիմիական նյութերով, որոնք առաջանում են այրման հետևանքով:

Շատերը կարծում են, որ նիկոտինի պատճառով է սիգարետ ծխելը վնասակար: Իրականում, ծխի մեջ պարունակվող այլ քիմիական նյութերը, ինչպիսիք են բենզո[ա]պիրենը, ծխախոտին հատուկ նիտրոզամինները և բենզոլը, ծխելու հետ կապված հիվանդությունների առաջնային պատճառներն են:

... հիվանդության և մահվան պատճառ են հանդիսանում հիմնականում սիգարետի ծխի մեջ պարունակվող տոքսիններն ու քաղցկեղածինները, այլ ոչ թե նիկոտինը:

Մեծ Բրիտանիայի Առողջապահության և որակյալ խնամքի ազգային ինստիտուտի (NICE)*

* NICE հանրային առողջության ուղեցույց. Ծխախոտի վնասակարության նվազեցման մոտեցումներ ծխելուն (2013)

Ի՞նչ դեր ունի նիկոտինը ծխախոտին փոխարինող անծուխ այլընտրանքներում

Նիկոտին ստանալը ծխելու հիմնական պատճառներից է, ինչպես նաև համը և բուն պրոցեսը: Որպեսզի ծխողները սովորական սիգարետներից անցնեն անծուխ այլընտրանքների, դրանք պետք է պարունակեն նիկոտին:

Մասնավորապես, այդ իսկ պատճառով մենք կենտրոնացած ենք այնպիսի ապրանքների մշակման վրա, որոնք առաջարկում են նիկոտինի անուշաբույր համեր պարունակող գոլորշի, բայց վնասակար նյութերի անհամեմատ ցածր մակարդակով՝ ի տարբերություն սիգարետի ծխում առկա վնասակար քիմական նյութերի:

Արդյո՞ք սա նշանակում է, որ այդ ապրանքներն անվնաս են… Ո՛չ. Դրանք ավելի լավ այլընտրանքներ են, քան ծխել շարունակելը: Առողջության համար լավագույն որոշումը մնում է ծխել չսկսելը կամ դրանից ընդհանրապես հրաժարվելը:

Նիկոտինն անվնա՞ս է

Ո՛չ: Չնայած նիկոտինը կախվածություն է առաջացնում, այն ծխելու հետ կապված հիվանդությունների առաջնային պատճառը չէ: Նիկոտինը շատ թունավոր է, երբ ընդունվում կամ ներքաշվում է բարձր չափաբաժիններով (որոնք գերազանցում են ծխելու կամ վեյփինգի ընթացքում առաջացող չափը), և կարող է բարձրացնել մարդու սրտի կծկումների հաճախականությունը և արյան ճնշումը:

Որոշ մարդիկ, ներառյալ հղի կամ կրծքով կերակրող կանայք և սրտային հիվանդություններ, արյան բարձր ճնշում կամ շաքարախտ ունեցող մարդիկ, չպետք է օգտագործեն նիկոտին պարունակող արտադրանք: Երիտասարդները չպետք է օգտագործեն կամ հասանելիություն ունենան ծխախոտին կամ նիկոտին պարունակող ապրանքներին: