Անծուխ այլընտրանքների մասին թոփ միֆերը. մաս 2

Շարունակում ենք Ձեզ ներկայացնել ամենատարածված միֆերը անծուխ այլընտրանքների մասին և պատասխանել հաճախ տրվող հարցերին: Իմացեք ավելին վեյփերի, էլեկտրոնային սիգարետների և ծխախոտի տաքացման ապրանքների մասին:

ՄԱՍ 1

6. Ծխախոտի տաքացման ապրանքները ծխախոտ են օգտագործում: Արդյո՞ք դրանք նույնը չեն, ինչ սիգարետները

ՈՉ

Տաքացվող ծխախոտային ապրանքները տարբերվում են սիգարետներից: Դրանք տաքացնում են իսկական ծխախոտը որոշակի ջերմաստիճանի միջակայքում՝ սովորաբար օգտագործելով ջերմության վերահսկման էլեկտրոնային համակարգ, որպեսզի այն չայրվի: Օգտատերը ծխախոտի գոլորշի է շնչում, այլ ոչ թե ծուխ:

Վառվելիս սիգարետներում ծխախոտն այրում է 600°C-ից բարձր ջերմաստիճանի դեպքում՝ հասնելով մինչև 800°C-ից ավելի, երբ ծխողը ներքաշում է կատարում: Ընթացքում նրանք առաջացնում են ծուխ, մոխիր, խեժ և վնասակար քիմիական նյութերի բարձր մակարդակ։

Բացառելով այրումը, գիտականորեն հիմնավորված տաքացվող ծխախոտային ապրանքները, թեև ռիսկից զերծ չեն, նախագծված են զգալիորեն նվազեցնելու վնասակար քիմիական նյութերի մակարդակը՝ ի համեմատ սիգարետի ծխի:

7. Արդյո՞ք անծուխ այլընտրանքները զերծ չեն ռիսկերից

ԱՅՈ

Չնայած տաքացվող ծխախոտային ապրանքները և էլեկտրոնային սիգարետները չեն այրում ծխախոտը, ինչը ծխելու հետ կապված հիվանդությունների հիմնական պատճառն է, դրանք ռիսկերից զերծ չեն: Լավագույն ընտրությունը միշտ ծխախոտի և նիկոտինի օգտագործումն ընդհանրապես դադարեցնելն է:

8. Արդյո՞ք նիկոտինը զերծ է ռիսկից

ՈՉ

Նիկոտինը ռիսկերից զերծ չէ և կախվածություն է առաջացնում: Որոշ մարդիկ, ներառյալ հղի կամ կրծքով կերակրող կանայք, ինչպես նաև սրտային հիվանդություններով, արյան բարձր ճնշում կամ շաքարախտ ունեցող մարդիկ, չպետք է ծխախոտ կամ նիկոտին պարունակող արտադրանք օգտագործեն: Հատկապես անչափահասները չպետք է հասանելիություն ունենան նիկոտին պարունակող ապրանքներին:

ԻՆՉ Է ՆԻԿՈՏԻՆԸ

Նիկոտինը բնական ճանապարհով առաջանում է ծխախոտում: Այն ունի ֆարմակալոգիական ազդեցություն, այդ թվում՝ սրտի կծկումների հաճախականության և արյան ճնշման վրա:

Նիկոտինը զերծ չէ ռիսկերից և կախվածություն է առաջացնում: Նիկոտինը չէ ծխելու հետ կապված հիվանդությունների առաջնային պատճառը, այլ ծխում առկա այլ քիմիական նյութերը:

Որոշ մարդկանց խորհուրդ չի տրվում օգտագործել ապրանքներ, որոնք նիկոտին են պարունակում: Դրանք են հղիները կամ կրծքով կերակրող մայրերը և սրտի հիվանդություններ, արյան բարձր ճնշում կամ շաքարային դիաբետ ունեցող անձինք:

9. Արդյո՞ք տաքացվող ծխախոտային ապրանքները և վեյփերն ավելի լավ այլընտրանքներ են, քան ծխել շարունակելը:

ԱՅՈ

Թեև ռիսկերից զերծ չեն, երբ դրանք գիտականորեն հիմնավորված են և կարգավորվում են որակ և անվտանգություն ապահովելու համար, տաքացվող ծխախոտային ապրանքները և էլեկտրոնային սիգարետները ավելի լավ ընտրություն են, քան շարունակական ծխելը:

10. Տաքացվող ծխախոտային ապրանքները և վեյփերը ծուխ արձակու՞մ են

ՈՉ

Այն, ինչը կարող է թվալ որպես «ծուխ», որն արտանետվում է վեյփից կամ տաքացվող ծխախոտից, իրականում աէրոզոլ է, որը հեղուկի և/կամ պինդ մասնիկների միախառնումն է գազում (սովորաբար գոլորշիում): Տաքացվող ծխախոտը և վեյփերը ծուխ չեն արձակում, քանի որ դրանք չեն այրում ծխախոտը:

Սիգարետներն այրում են ծխախոտը, ինչը ծուխ է առաջացնում։ Այնուամենայնիվ, ծխի բաղադրությունը շատ տարբերվում է վեյփերի և տաքացվող ծխախոտների արտանետած աէրոզոլից, քանի որ ծուխը պարունակում է հազարավոր քիմիական նյութեր, որոնցից հարյուրը համարվում են վնասակար կամ պոտենցիալ վնասակար: