Loading...
banner.png

ԻՆՉՈ՞Վ Է ՏԱՐԲԵՐՎՈՒՄ IQOS-Ը ԷԼ. ՍԻԳԱՐԵՏԻՑ ԵՎ ՎԵՅՓԻՑ

Դեռ չգիտե՞ս տարբերությունը: Մի անհանգստացիր, մենք ամեն ինչ կբացատրենք:

Ծխողը, ով մտածում է ավանդական սիգարետից էլեկտրոնային այլընտրանքներ անցում կատարելու մասին, կանգնած է դժվար ընտրության առաջ: Ժամանակակից շուկան առաջարկում է ծխողների համար նախատեսված բազմատեսակ սարքերի ընտրանի` ծխախոտի տաքացման համակարգեր, վեյփեր, էլեկտրոնային սիգարետներ, փոդ-համակարգեր, և նույնիսկ էլեկտրոնային նարգիլեներ: Կարելի է գտնել գրեթե ցանկացած դիզայն և ձև ունեցող սարք՝ սկսած ֆլեշ կրիչների նման վեյփերից և սիգարետի նման փոքր սարքերից, մինչև ծխամորճերի նմաններրն ու ձեռքի ափի չափսով սարքերը:

Ինչո՞վ են այս սարքերը միմյանցից տարբերվում։

Ինչպե՞ս են աշխատում ծխողների համար նախատեսված անծուխ այլընտրանքները

Ծխելու ընթացքում սիգարետի թուղթն ու ծխախոտն այրվում են բարձր ջերմաստիճանում (սիգարետի ծայրին): Արդյունքում առաջանում է ծուխ, որը պարունակում է ավելի քան 6000 տարբեր քիմիական միացություններ։ Այդ միացություններից շատերն առողջության համար վտանգավոր կամ պոտենցիալ վտանգավոր են: Դրանցից մոտ հարյուրին վերագրվում է ծխելու հետ կապված հիվանդությունների առաջացումը: Ըստ առողջապահական կազմակերպությունների՝ այրման արդյունքում առաջացող առավել վտանգավոր տարրերն են խեժերը, ածխածնի օքսիդը, ֆորմալդեհիդը, ակրոլեինը, բենզոպիրենը և այլն:

Ծխողների համար նախատեսված անծուխ այլընտանքները (ծխախոտի տաքացման համակարգեր, էլեկտրոնային ծխախոտներ, վեյփեր) ունեն օգտագործման այլ՝ այրման գործընթացը բացառող սկզբունք: Տեխնոլոգիայից կախված այս սարքերը կա՛մ գոլորշիացնում են հեղուկը, կա՛մ տաքացնում ծխախոտը: Չենք կարող փաստել ծխախոտի տաքացման բոլոր փաստերի վերաբերյալ, սակայն IQOS-ի վերաբերյալ ուսումնասիրությունները հաստատում են, որ օգտագործման ընթացքում IQOS-ն արտազատում է միջինում 95%-ով քիչ վնասակար նյութեր՝ ի համեմատ սիգարետի*։

Կարևոր տեղեկություն. Ռիսկերն անպայմանորեն չեն նվազում հենց 95%-ով։ IQOS-ի օգտագործումը զերծ չէ ռիսկերից։

*Համեմատած նմուշային սիգարետի (3R4F) ծխի հետ:

Ի՞նչ է ծխախոտի տաքացման համակարգը

Ծխախոտի տաքացման համակարգերը սարքեր են, որոնք տաքացնում են ծխախոտը մինչև հստակ վերահսկվող ջերմաստիճան, այլ ոչ թե այրում, ինչպես սիգարետի դեպքում է:

Ծխախոտի տաքացման համակարգերի օրինակներ են՝ IQOS, glo, Jouz։

IQOS-ը ծխախոտը տաքացնում է մինչև որոշակի ջերմաստիճան: Այդ ջերմաստիճանը բավարար է ծխախոտից անուշաբույր աերոզոլը գոլորշիացնելու համար: IQOS-ի հիմքում ընկած տեխնոլոգիան կոչվում է HeatControl: Բռնիչի ներսում կա կերամիկական տաքացնող լեզվակ։ Սթիքը բռնիչի մեջ տեղադրելիս՝ այն մտնում է ծխախոտի մեջ և, IQOS-ը միացնելուց հետո, տաքացնում ծխախոտային սթիքը ներսից:

Ծխախոտի տաքացման համակարգերը կարող են տարբեր ձևեր և կոմպլեկտացիաներ ունենալ: Օրինակ՝ այն կարող է բաղկացած լինել երկու տարրերից՝ բռնիչից և լիցքավորման սարքից (ինչպես IQOS 2.4 Plus-ը կամ IQOS 3 DUO-ն), կամ ունենալ մոնոլիտ սարքի ձև (ինչպես IQOS 3 Multi-ն):

Երբեմն IQOS-ը սխալմամբ անվանում են էլեկտրոնային սիգարետ կամ վեյփ: Կարևոր է հասկանալ, որ IQOS-ը էլեկտրոնային ծխախոտ անվանելը ճիշտ չէ: IQOS-ն աշխատում է ոչ թե հեղուկով, այլ հատուկ այս սարքի համար նախագծված ծխախոտի սթիքերով:

IQOS կարող եք ձեռք բերել այս ապրանքանիշի մասնագիտացված խանութներում, առցանց՝ պաշտոնական կայքում, կամ գործընկեր ցանցերում: Վաճառքի բոլոր կետերը ցուցադրված են այս կայքի ինտերակտիվ քարտեզի վրա, ինչպես նաև մեր VIBER Օգնականի «Գտեք մեզ» բաժնում:

Ծխախոտի տաքացման համակարգերի հիմնական առանձնահատկություններ՝

  • տաքացնում են ծխախոտն, այն այրելու փոխարեն,
  • չկան հեղուկներ,
  • արտադրում է ծխախոտի աէրոզոլ։

Ի՞նչ է էլեկտրոնային սիգարետը

Էլեկտրոնային սիգարետները ծխողների համար նախատեսված սարքեր են, որոնք տաքացնում են ներսում գտնվոց հատուկ հեղուկն ու վերածում այն գոլորշու: Հիմնականում բաղկացած են լինում տաքացնող տարրից, հեղուկի տարայից և մարտկոցից: Էլեկտրոնային ծխախոտի հեղուկը պարունակում է գլիցերին, պրոպիլեն գլիկոլ, ջուր, արոմատիզատորներ և սինթետիկ նիկոտին: Էլ․ սիգարետներն ու համապատասխան հեղուկները հասանելի են և՛ մասնագիտացված խանութներում, և՛ առցանց:

Էլ․ սիգարետների հիմնական առանձնահատկություններն են՝

  • հեղուկային միջուկ,
  • հեղուկի գոլորշիացում,
  • գոլորշու արտադրություն։

Ի՞նչ է վեյփը

Վեյփերը (անգլ․ vape - գոլորշի, գոլորշի ներքաշել), ինչպես և էլեկտրոնային սիգարետները, գոլորշիացնում են հեղուկային միջուկը: Ըստ էության, երկուսն էլ տաքացնում և գոլորշու են վերածում ներսում գտնվող հեղուկները:

Ի՞նչ տարբերություն վեյփերի և էլ․ սիգարետների միջև: Սովորաբար տարբերությունը կայանում է սարքի չափսի և հզորության մեջ: Վեյփերը հաճախ ունեն ավելի հզոր մարտկոց և ավելի տարողունակ հեղուկի տարրա, ինչպես նաև օգտագործողին տալիս են տաքացման ջերմաստիճանն ու գոլորշու ուժգնությունը կարգավորելու հնարավորություն: Վեյփերը լայն տարածում ունեն և վաճառվում են բազմաթիվ վեյփ-խանութներում:

Վեյփերի հիմնական առանձնահատկություններն են ՝

  • հեղուկային միջուկ,
  • հեղուկի գոլորշիացում,
  • տարրայի մեծ տարողունակություն,
  • գոլորշու արտադրություն,
  • ինքնուրույն լիցքավորում։

Ի՞նչ է փոդ-համակարգը

Փոդ-համակարգերը (նիկոտինային աղերով վեյփ) սովորական վեյփերի ավելի փոքր տարբերակ են, որտեղ օգտագործվում են շարժական կափսուլաներ (փոդեր), որոնց մեջ լցվում է հեղուկը: Այստեղից էլ գալիս է հարմարանքի անվանումը ՝ POD համակարգ: Քարտրիջի ներսում առկա են սովորական վեյփի հեղուկային միջուկ կամ այսպես կոչված հեղուկ նիկոտինային աղեր:

Ընդհանուր առմամբ, սարքի աշխատանքը նույնատիպ է էլ․ սիգարետին և վեյփին։ Սարքը տաքացնում է հեղուկային միջուկը՝ գոլորշի առաջացնելով։

Փոդ-համակարգի օրինակներ են՝ Juul, Logic, Joint։

Փոդ-համակարգերի հիմնական առանձնահատկություններն են՝

  • հեղուկային միջուկ (հեղուկ կամ նիկոտինային աղերով հեղուկ),
  • շարժական մեկանգամյա օգտագործման կափսուլաներ,
  • հեղուկի գոլորշիացում,
  • գոլորշի։

Էլ․ սիգարետներ,վեյփեր և ծխախոտի տաքացման համակարգեր. ինչու՞մն է տարբերությունը

Էլ․ սիգարետների, վեյփերիի և ծխախոտի տաքացման համակարգերի միջև հիմնական տարբերությունը տեխնոլոգիան է: Սարքերի առաջին երկու կատեգորիաները գոլորշիացնում են հատուկ հեղուկը, մինչդեռ IQOS-ը տաքացնում է ծխախոտը, որի արդյունքում առաջանում է աէրոզոլ:

Ի տարբերություն վեյփերի և էլ․ սիգարետների շատ մոդելների՝ IQOS-ը հեղուկային միջուկի կարիք չունի:

 

IQOS-ի հիմքում ընկած տեխնոլոգիայի մասին ավելին իմանալու համար կարող ես սեղմել այստեղ, կամ գտնել քեզ հետաքրքրող հարցերի պատասխաններն այստեղ: Կարող ես կապվել նաև Հաճախորդների սպասարկման կենտրոնի հետ՝ զանգահարելով +37444004767 կամ փոստով՝ contact.am@iqos.com:

Այս արտադրանքը զերծ չէ ռիսկերից և մատակարարում է նիկոտին, որը կախվածություն է առաջացնում։ Նախատեսված է չափահասների համար։