ՆՎԱԶԵՑՆԵՆՔ ԹԱՓՈՆՆԵՐՆ ՈՒ ԱՂՏՈՏՈՒՄԸ

Մենք գիտակցում ենք, շրջակա միջավայրի համար կարևոր է անցյալում թողնել «վերցնել-արտադրել-դեն նետել» արտադրական մոդելը, որի շրջանակում հումքն օգտագործվում է արտադրանք պատրաստելու համար և հաջորդիվ դեն նետվում, ու կիրառել ավելի շրջաբերական մոդել: Անհրաժեշտ է, որպեսզի թափոնների կառավարման ծրագրերը նվազագույնին հասցնեն դրանց ծավալը, իսկ եղածն էլ հնարավորինս վերամշակվի:

Ներկայումս գերկարևոր է կանխել թափոնների արտահոսքը շրջակա միջավայր՝ հատկապես պլաստիկինը: Հավասարապես կարևոր է նաև ծովում և ցամաքում պայքարել պլաստիկի աղտոտման դեմ` կրճատելով շրջակա միջավայրի աղտոտումը:

Ֆիլիպ Մորրիսում մենք պատասխանատվություն ենք ստանձնում մեր արտադրանքի համար ու համակարգված ենք մոտենում սիգարետի մնացորդների ու օգտագործված տաքացվող ծխախոտային գլանակների խնդրին: Համակարգված մոտեցումն իր հերթին ենթադրում է աղտոտման պատճառների, վարքագծային փոփոխության շարժիչ ուժերի վերլուծություն, ինչպես նաև աղբի վերամշակման պատշաճ սարքավորումների առկայություն՝ խնդրի վերաբերյալ հանրային իրազեկման մակարդակի աճին զուգահեռ։

Շրջակա միջավայրի աղտոտման դեմ պայքարի մեր մոտեցումը հիմնված է երկու հիմնական սկզբունքների վրա.

1. Աղտոտումը նվազեցնելուն ուղղված ռազմավարության հենքում երեք “E”-երի կիրառումն է՝

Educate – կրթել ու բարձրացնել հանրության իրազեկվածության մակարդակը խնդրի վերաբերյալ

Enable – հասանելի դարձնել սիգարետի մնացորդները վերամշակող սարքավորումները

Enforce – անընդունելի ու դատապարտելի դարձնել շրջակա միջավայրի աղտոտումը՝ համապատասխան իրավական կամ սոցիալական պատժամիջոցների կիրառման շնորհիվ։

2. Մենք վստահ ենք, որ վարքագծի փոփոխության շնորհիվ դրական փոփոխությունների հնարավոր է հասնել միմիայն համապատասխան շահագրգիռ կողմերի ներգրավմամբ ու վերջիններիս հետ սերտ համագործակցությամբ։

Ֆիլիպ Մորրիսը համագործակցում է այլ կառույցների հետ՝ զարգացնելով և կիսելով նորարարական մոտեցումներն այն ոլորտներում, որտեղ մեր ներդրումն իրապես կարող է ամենամեծ ազդեցությունն ունենալ. սպառողների իրազեկվածության մակարդակի բարձրացում (Educate) և թափոնների տարաների օգտագործման խթանում (Enable): Հետապնդելով սիգարետի թափոնների խնդրի հետ կապված շոշափելի և չափելի դրական տեղաշարժ ունենալու նպատակ՝ մենք պատրաստ ենք մեր սպառողներին խրախուսել ու հնարավորություն տալ կրճատելու շրջակա միջավայրի աղտոտումն ամբողջ աշխարհում:

Այն դեպքում, երբ տաքացվող ծխախոտի օգտագործված գլանակները զգալիորեն ավելի քիչ են նպաստում շրջակա միջավայրի աղտոտմանը՝ սիգարետի մնացորդների համեմատ, դրանք նաև ավելի լավ այլընտրանք են վերամշակման և շրջաբերական տնտեսության մեջ ինտեգրվելու տեսանկյունից։

Ստեղծելով շրջաբերական տնտեսություն

Առանց ծուխ արտադրատեսակների մեր տեսականին ընդլայնելիս, մենք արտադրանքի, դրա փաթեթավորման ու հարակից աքսեսուարների մշակման ընթացքում հաշվի ենք առնում նաև բնապահպանական ասպեկտը։ Հաշվի առնելով էլեկտրոնային սարքերի արտադրության համար առկա սակավաթիվ ռեսուրսներն ու խնդրի կարևորությունը, արտադրական գործընթացն անհրաժեշտ է կազմակերպել՝ մտքում պահելով սարքի ավելի հեշտ վերամշակման հնարավորությունները։

Մենք հավակնում ենք ձևավորել իրականություն, որտեղ ամեն երկրում, ուր IQOS է վաճառվում, յուրաքանչյուր սարք օգտագործվելուց հետո վերադարձվի և վերամշակվի։ Որպես շրջաբերական տնտեսության ձևավորման առաջին քայլ, Ֆիլիպ Մորրիսում մենք սկսեցինք համագործակցել ոլորտում մասնագիտացված ընկերությունների հետ՝ Եվրոպայում և Ասիայում սարքերի վերամշակման երկու կենտրոն հիմնելու նպատակով։

Ստեղծված այդ կենտրոնները սպասարկում են բոլոր այն երկրները, որտեղ IQOS է վաճառավում, ու բավարար հզոր են՝ վերամշակելու վաճառված սարքերի ծավալի մեծ մասը:

Աղբյուր՝ PMI.com