Loading...
blog_baners-04.png

IQOS-Ի և ԷԼԵԿՏՐՈՆԱՅԻՆ ՍԻԳԱՐԵՏՆԵՐԻ ՏԱՐԲԵՐՈՒԹՅՈՒՆԸ

Ինչպե՞ս են աշխատում էլեկտրոնային սիգարետները

IQOS-ը էլեկտրոնայի սիգարետ չէ, այլ ծխախոտի տաքացման սարք է: Չնայած որ և՛ էլեկտրոնային սիգարետները, և՛ IQOS-ը սովորական սիգարետներին փոխարինող այլընտրանքներ են, դրանց միջև կա տարբերություն:

Ե՛վ ծխախոտի տաքացման IQOS սարքերը, և՛ էլեկտրոնային սիգարետները սովորական սիգարետին փոխարինող անծուխ այլընտրանքներ են այն չափահաս ծխողների համար, որոնք հակառակ դեպքում կշարունակեին ծխել կամ նիկոտին պարունակող այլ ապրանքներ օգտագործել:

Երկուսն էլ էլեկտրոնային սարքեր են և չեն արտադրում ծուխ, ինչպես սովորական սիգարետները: Բայց կա մի առանձնահատկություն, որի շնորհիվ IQOS ծխախոտի տաքացման համակարգը տարբերվում է էլեկտրոնային սիգարետներից. IQOS-ը տաքացնում է իսկական ծխախոտը, արտադրում է ծխախոտային աէրոզոլ, այլ ոչ թե էլեկտրոնային սիգարետների նման գոլորշիացնում է հեղուկը:

IQOS ծխախոտի տաքացման սարքերի համար օգտագործվում են HEETS ծխախոտային սթիքերը, որոնք պատրաստվում են իսկական ծխախոտից, որը խնամքով մշակվում, մանրացվում և կոմպրեսավորվում է համային հագեցվածություն ապահովելու համար:

Ի՞նչ են էլեկտրոնային սիգարետները

էլեկտրոնային սիգարետները շարժական էլեկտրոնային սարքեր են, որոնք համարվում են սովորական սիգարետներին փոխարինող այլընտրանքներ: Որպես կանոն՝ դրանք աշխատում են մարտկոցով և տաքացում են էլեկտրոնային սիգարետների համար նախատեսված հեղուկը՝ արտազատելով գոլորշի: Էլեկտրոնային սիգարետների համար նախատեսված հեղուկները ունենում են տարբեր համային հավելումներ և կարող են պարունակել կամ չպարունակել նիկոտին:

Ինչպե՞ս են աշխատում էլեկտրոնային սիգարետները

Էլեկտրոնային սիգարետների շատ տեսակներ կան: Դրանք տարբերվում են չափերով, հզորությամբ, հարմարեցման ֆունկցիաներով և նույնիսկ միանգամյա կամ բազմակի օգտագործման հատկություններով: Սակայն դրանց մեծամասնությունն աշխատում է նույն սկզբունքով և նույն բաղադրիչներով:

Սկզբունք՝

Էլեկտրոնային սիգարետները տաքացնում և գոլորշիացնում են հատուկ հեղուկը ջերմաստիճանի լայն միջակայքում։ Դա տեղի է ունենում նրա միջոցով, որ էլեկտրոնային սիգարետների համար նախատեսված հեղուկը դուրս է գալիս էլեկտրոնային հեղուկի տարայից և շփվում է տաքացման տարրի հետ: Երբ հեղուկը սկսում է գոլորշիանալ, այն ներքաշում են սարքից ծխափողի միջոցով:

Բաղադրիչներ՝

Մարտկոց. ամբողջ սարքին էներգիա մատակարարող աղբյուրն է: Հիմնականում այն վերալիցքավորվում և սնուցում է հեղուկի տաքացման տարրը և էլեկտրոնային բաղադրիչները:

Հեղուկի տարա. օգտագործվում է հեղուկը պահելու համար, մինչև այն կհասնի տաքացման տարրին կամ խցիկ: Որոշ էլեկտրոնային սիգարետներում օգտագործվում են միանգամյա կապսուլաներ կամ փոդեր:

Էլեկտրոնային սիգարետների հեղուկ. լուծույթ, որը գոլորշիանում է էլեկտրոնային սիգարետի ներսում: Չնայած որ կան տարբեր տեսակի հեղուկներ, դրանք բոլորը սովորաբար պարունակում են պրոպիլենգլիկոլ, գլիցերին, նիկոտին և համային կամ հոտային տարբեր հավելումներ:

Տաքացուցիչ. բաղադրիչների համակարգ, որը տեղափոխում է հեղուկը դեպի տաքացման տարր և տաքացնում է այն մինչև գոլորշիանալը: Էլեկտրոնային սիգարետների մեծ մասն աշխատում է «հեղուկի տարա և տաքացման տարր» համակարգով: Հեղուկի տարայի ֆիթիլը բնական ճանապարհով ներծծում է հեղուկը և տեղափոխում է այն դեպի մետաղյա տարր, որը տաքացնում է հեղուկը:

Ցուցիչներ և էլեկտրական բաղադրիչներ. կարգավորում են սարքի տաքացումը և աշխատանքը: Դրանք տարբեր են լինում՝ սարքն ակտիվացնող պարզ կոճակից, LED լուսային ցուցիչներից, լիցքավորման մակարդակի ցուցիչներից մինչև հեղուկի հոսքը ցույց տվող սմարթ ցուցիչներ:

Ծխափող. մաս, որի միջոցով գոլորշիացած հեղուկը ներքաշում են սարքից:

Ի՞նչ է IQOS-ը

IQOS-ը ծխախոտի տաքացման սարք է, որը մշակվել է «Ֆիլիպ Մորրիս Ինթերնեյշնլ» ընկերության կողմից: Սարքն աշխատում է ծխախոտի տաքացման HeatContro ինովացիոն տեխնոլոգիայով: Ծխախոտի տաքացման այս տեխնոլոգիան հաճախ անվանում են «տաքացում այրման փոխարեն» (“heat-not-burn”), քանի որ այն տաքացնում, այլ ոչ թե այրում է ծխախոտը, ինչպես սովորական սիգարետի դեպքում:

HEETS ծխախոտային սթիքերը տեղադրվում են IQOS սարքի կերամիկական լեզվակի վրա, որը տաքացնում է ծխախոտը ներսից: Ծխախոտը չի այրվում, ինչպես դա տեղի է ունենում սիգարետ ծխելիս: Փոխարենը ծխախոտը տաքանում է, հասնելով շատ ավելի ցածր ջեմաստիճանի, քան սովորական սիգարետի այրման դեպքում, որը տեղի է ունենում բարձր ջերմաստիճնում: Չնայած որ և՛ էլեկտրոնային սիգարետները, և՛ IQOS-ը անծուխ այլընտրանքներ են, IQOS-ի շնորհիվ չափահաս օգտատերը ստանում է սիգարետին մոտ համ և հագեցվածություն՝ առանց կրակի, մոխրի և ծխի: Անկախ այն բանից, որ IQOS-ը զերծ չէ ռիսկերից, այն արտազատում է 95%-ով ավելի քիչ վնասակար նյութեր՝ ի համեմատ սիգարետի1, և թույլ է տալիս չափահաս IQOS օգտատերերին օգտագործել ծխախոտ՝ նվազեցնելով շրջապատող մարդկանց անհանգստացնելու հավանականությունը: Չափահաս IQOS օգտատերերը իրենց HEETS սթիքը օգտագործելուց հետո պետք է ուղղակի հեռացնեն այն բռնիչից և դեն նետեն:

Ներկայումս հասանելի են IQOS և lil SOLID ծխախոտի տաքացման սարքերի հետևյալ մոդելները՝ IQOS 3 DUO և lil SOLID 2.0: IQOS 3 DUO-ն ունի առանձին բռնիչ և լիցքավորման սարք, իսկ lil SOLID-ը «բոլորը մեկում» սարք է, որում նշված բոլոր բաղադրիչներն ինտեգրված են: Այս տարատեսակները թույլ են տալիս չափահաս օգատերերին ընտրել իրենց կենսակերպին հարմար լավագույն տարբերակը:

Համեմատել բոլոր IQOS սարքերը



1Կարևոր տեղեկություն․ Ռիսկերն անպայմանորեն չեն նվազում հենց 95%-ով։

Վնասակար նյութերի (բացառությամբ նիկոտինի) լայն շրջանակի մակարդակների միջին նվազեցումներ՝ համեմատած նմուշային սիգարետի (3R4F) ծխի հետ:

Այս արտադրանքը զերծ չէ ռիսկերից և մատակարարում է նիկոտին, որը կախվածություն է առաջացնում։ Նախատեսված է չափահասների համար։