Ձեր առաջին քայլերը lil SOLID Es սարքի հետ | IQOS աջակցություն

Առաջին քայլերը lil SOLID Es-ի հետ

Ամեն ինչ lil SOLID Es-ի օգտագործման, լիցքավորման և մաքրման մասին, ինչպես նաև խորհուրդներ ծխախոտի օգտագործման լավագույն փորձառության համար:

Ինչպե՞ս օգտագործել lil SOLID Es սարքը

1. Եթե ձեռք եք բերել նոր lil SOLID Es սարքն ու պատրաստվում եք այն առաջին անգամ օգտագործել, ապա նախ ակտիվացրեք սարքը՝ լիցքավորելով այն: Սարքն առաջին անգամ օգտագործելուց առաջ անհրաժեշտ է ամբողջովին (~2 ժամ) լիցքավորել այն էլեկտրական վարդակից:

2. Սահեցնելով բացեք պատյանը (սարքի վերին մասում) և տեղադրեք Fiit ծխախոտի սթիքը՝ ծխախոտի հատվածով դեպի ներքև:

3. Սեղմած պահեք կոճակը 2 վայրկյան՝ մինչև սարքը վիբրացիա արձակի: LED լուսային ցուցիչը թարթում է սառցե կապույտ գույնով, իսկ սարքը միաժամանակ սկսում է վիբրացիա արձակել: Նախնական տաքացման համար պահանջվում է մոտավորապես 25 վայրկյան՝ կախված օգտագործման պայմաններից: Երբ ավարտվում է նախնական տաքացումը, LED լուսային ցուցիչը միանում է, և սարքը միաժամանակ սկսում է վիբրացիա արձակել՝ ազդարարելով, որ սարքը պատրաստ է օգտագործման:

4. Օգտագործման փորձը տևում է 14 ներքաշում կամ 5 րոպե` կախված, թե որն առաջինը կլինի: Երբ օգտագործման ավարտին մնում է 30 վայրկյան կամ 3 ներքաշում, սարքը մեկ անգամ թրթռում է, իսկ LED լուսային ցուցիչը թարթում է սառցե կապույտ լույսով մինչև անջատվելը: Երբ օգտագործումն ավարտվում է, լուսային ցուցիչն ու սարքն ավտոմատ կերպով անջատվում են: Կարիք չկա սեղմել կոճակը սարքն անջատելու համար:

5. Ծխախոտի սթիքը հեռացնելու համար պտտեք սթիքը 3 անգամից ավելի նույն ուղղությամբ: Սթիքը հանեք սարքի միջից: Փակեք կափարիչը՝ սահեցնելով այն սթիքի տեղադրման հատվածի վրա:

Կարող եք օգտագործել սարքը հաջորդաբար մինչև 3 անգամ: 3 հաջորդական օգտագործումից հետո սարքն ավտոմատ կերպով կսառչի: Սարքը չի կարելի օգտագործել ավելի քան 3 անգամ 18 րոպեների ընթացքում, քանի որ այն պետք է հովանա: Կպահանջվի 3 րոպե 30 վայրկյան, որպեսզի սարքը սառչի` հաջորդ սթիքը օգտագործելուց առաջ:

Ինչպե՞ս լիցքավորել lil SOLID Es-ն

Միացրեք սարքն իր համար նախատեսված USB լարին, իսկ սնուցման սարքը՝ էլեկտրական վարդակին: lil SOLID Es սարքի լիարժեք լիցքավորումը տևում է մոտ 2 ժամ: Լիցքավորումն ազդարարվում է LED լուսային ցուցիչի թարթելով: Երբ սարքը լիարժեք լիցքավորված է, լույսն անջատվում է:

lil SOLID սարքն աշխատելու համար չի պահանջում ամբողջական լիցքավորում, այնուամենայնիվ, խորհուրդ ենք տալիս այն ամբողջովին լիցքավորել՝ նախքան առաջին օգտագործումը:

lil SOLID սարքի լիցքավորման մակարդակը ստուգելու համար սեղմիր կոճակը կամ միացրու սարքը հոսանքի վարդակին՝ օգտագործելով իր USB լարն ու սնուցման սարքը: Սարքի լիցքավորման մակարդակը ցուցադրվում է հետևյալ կերպ.

• Կապույտ - 100-75%, լիցքավորված է
• Սառցե կապույտ - 75-35%
• Նարնջագույն - 35-1%, պետք է լիցքավորել սարքը
• Կարմիր - մարտկոցը լիցքաթափ է, անհրաժեշտ է լիցքավորել սարքը

Ինչպե՞ս մաքրել lil SOLID Es սարքը

1. Մաքրելուց առաջ միշտ անջատեք սարքը: Վերջին օգտագործումից հետո թողեք, որ այն սառչի:

2. Բացեք երկկողմանի մաքրիչը: Հանեք սարքի կափարիչը: Օգտագործեք մաքրիչ կողմը տաքացնող ասեղը մաքրելու համար: Այնուհետև բացեք երկկողմանի մաքրիչի խոզանակի հատվածը, տեղադրեք այն սարքի մեջ և շրջանաձև շարժումներով պտտեք խոզանակը: Օգտագործման օպտիմալ փորձ ապահովելու համար մաքրեք սարքն ամեն 10 օգտագործումից հետո:

3. Կարող եք նաև օգտագործել մաքրող փայտիկները: Մաքրող փայտիկները պարունակում են իզոպրոպիլ ալկոհոլ և ջուր:

Կարող եք նաև մաքրել սարքը ջերմության միջոցով: Արագ սեղմեք մեկնարկի կոճակը 5 անգամ: LED լուսային ցուցիչը 90 վայրկյան կթարթի նարնջագույն գույնով, և ավտոմատ կերպով կսկսվի մաքրման գործընթացը: Մաքրման գործընթացի ավարտին լուսային ցուցիչն անջատվում է, և սարքը 2 անգամ վիբրացիա է արձակում: