Նիկոտինի օգտագործման ինչպիսի միջոցներ գոյություն ունեն

Ի՞նչ են անծուխ այլընտրանքները

Անծուխ այլընտրանքները ապրանքատեսակներ են՝ նախատեսված այն չափահաս ծխողների համար, ովքեր հակառակ դեպքում կշարունակեին ծխել կամ օգտագործել նիկոտինային այլ ապրանքներ: Անունից կարելի է ենթադրել, որ անծուխ այլընտրանքները ծուխ չեն առաջացնում: Սա նշանակում է, որ, ի տարբերություն սիգարետների, դրանք չեն այրում ծխախոտը։ Անծուխ այլընտրանքները զերծ չեն ռիսկերից և մատակարարում են նիկոտին, որը կախվածություն է առաջացնում: Անծուխ այլընտրանքները համարվում են ծխախոտ չայրող այլընտրանք այն չափահաս ծխողների համար, ովքեր հակառակ դեպքում կշարունակեին ծխել, քանի որ ծխի բացակայությունը նշանակում է արտանետվող վնասակար քիմիական նյութերի ավելի ցածր մակարդակ: Անծուխ այլընտրանքներում վնասակար քիմիական նյութերի նվազեցումը պետք է հիմնավորված լինի՝ ըստ ապրանքատեսակի: Այնուամենայնիվ, լավագույն որոշումը, որ ցանկացած ծխող կարող է կայացնել, ծխախոտի և նիկոտինի օգտագործումը ընդհանրապես դադարեցնելն է։

Ի՞նչ է տաքացվող ծխախոտը

Սիգարետը ծխելու համար պետք է այն այրել, իսկ սիգարետի այրվող հատվածում ջերմաստիճանը կարող է հասնել բավականին բարձր աստիճանի: Արդյունքնում ծխի հետևանքով արտանետվում են վնասակար և պոտենցիալ վնասակար քիմիական նյութեր, որոնք կլանում է ծխողը: Սիգարետի ծուխը պարունակում է ավելի քան 6000 քիմիական տարբեր նյութեր, որոնցից մոտ հարյուրը համարվում են վնասակար և պոտենցիալ վնասակար: Այրվող սիգարետի ծխում առկա վնասակար քիմիական նյութերի բարձր մակարդակը ծխելու հետ կապված հիվանդությունների առաջնային պատճառն է:

Անծուխ այլընտրանքների ամենավերջին նորարարություններից մեկը՝ տաքացվող ծխախոտային ապրանքները, թույլ են տալիս օգտագործել ծխախոտ՝ առանց այն այրելու անհրաժեշտության: Տաքացվող ծխախոտային ապրանքները նախատեսված են ծխախոտը ճշգրիտ ջերմաստիճանի տաքացնելու համար և բացառում են այրումը՝ փոխարենը արձակելով տաքացվող ծխախոտի համ՝ առանց կրակի, մոխրի կամ ծխի:

IQOS-ը և lil SOLID-ը ծխախոտի տաքացման սարքեր են, որոնք տաքացնում են ծխախոտը վերահսկվող ջերմային ռեժիմում՝ բացառելով այրումը։ Այլրման բացակայության շնորհիվ IQOS և lil SOLID ծխախոտի տաքացման սարքերը հանդիսանում են ավելի լավ այլընտրանք ի համեմատ սիգարետի։

Ի՞նչ է վեյփը և ի՞նչ է էլեկտրոնային սիգարետը

Էլեկտրոնային սիգարետները, որոնք նաև կոչվում են վեյփեր, անծուխ այլընտրանքի մի տեսակ են, որոնք կարող են հայտնի լինել չափահաս ծխողների և օգտատերերի շրջանում: Վեյփերը ձեռքի, մարտկոցով աշխատող սարքեր են, որոնք ունենում են տարբեր չափեր՝ հարմարեցման բազմաթիվ հնարավորություններով: Որոշ էլեկտրոնային սիգարետներ մեկանգամյա օգտագործման են, իսկ մյուսները կարող են վերաօգտագործվել: Որոշները կարող են սիգարետի տեսք ունենալ, մյուսները՝ սիգարի կամ գրիչի, իսկ մյուսները շատ ավելի մեծ են ու տուփանման:

Ընդհանուր առմամբ, էլեկտրոնային սիգարետները աշխատում են տաքացնելով և գոլորշիացնելով բուրավետ և նիկոտին պարունակող հեղուկները: Կոնկրետ ջերմաստիճանի տաքանալով՝ էլեկտրոնային սիգարետի հեղուկը վերածվում է գոլորշու (արերոզոլի), որն էլ ներքաշում է չափահաս օգտատերը:

Ի՞նչ է ծամվող ծխախոտը

Ծամելու համար նախատեսված ծխախոտը կամ օրալ ծխախոտը անծուխ այլընտրանք է, որը սովորաբար թողարկվում է փշրած, խտացված կամ փաթաթած, անփույթ կտրատված չոր ծխախոտի տեսքով և կարող է պարունակել համային հավելումներ:

Ի՞նչ է քթախոտը

Քթախոտը, որը նաև կոչվում է «թաթախելի» ծխախոտ, սովորաբար պատրաստվում է առանձնացված, չորացրած, նուրբ փոշիացված ծխախոտից և կարող է ունենալ տարբեր բույրեր ու համեր: Չորացրած քթախոտը սովորաբար փաթեթավորվում է թիթեղյա տարաների մեջ, ներշնչվում է քթի միջոցով, իսկ խոնավ քթախոտը դրվում է ստորին շուրթի և լնդի միջև՝ նիկոտինը կլանելու համար: Ծամելու ծխախոտի նման ավելորդ թուքը դուրս է թքվում։

Ի՞նչ է լնդախոտը

Լնդախոտը առաջացել է չորացրած քթախոտի մի տեսակից: Քթախոտի նման` լնդախոտը մանրացված է, բայց թողարկվում է փոքր փաթեթներով: Լնդախոտը սովորաբար դրվում է վերին շուրթի և լնդի արանքում: Այն չի առաջացնում այնքան թուք, որքան ծամելի ծխախոտը կամ քթախոտը: