Loading...
alternatibes_center.png

Վեյփերի և տաքացվող ծխախոտի պատմությունը

Ինչպես եվ երբ են ստեղծվել այլընտրանքները

Ո՞վ է հայտնագործել վեյփերը, և ե՞րբ է թողարկվել առաջին վեյփը

Երբևէ մտածե՞լ եք, թե երբ է սկսվել վեյփերի պատմությունը: Թեև ծխախոտ ծխելը դարեր շարունակ եղել է, վեյփերը հաճախ համարվում են համեմատաբար նոր սերնդի նորամուծություն: Որոշ աղբյուրներ ասում են, որ վեյփերի կոնցեպտն ի հայտ է եկել 1920-ական թվականներից, ինչը նշանակում է, որ գաղափարը գրեթե 100 տարեկան է:

1927 թվականին Ջոզեֆ Ռոբինսոն անունով մեկը ստեղծեց առաջին էլեկտրոնային գոլորշիացման սարքը, որը «էլեկտրականությամբ կամ այլ կերպ տաքանում էր գոլորշի արտադրելու համար»: Այդ պահից սկսած` տարիների ընթացքում կամաց-կամաց սկսեցին ի հայտ գալ վեյփ սարքերի տարբեր ձևեր:

Ահա ավելին՝ վեյփի պատմության մասին

Ի՞նչ է վեյփինգը

Այսօր վեյփինգը վեյփ կամ էլեկտրոնային սիգարետ օգտագործելն է: Վեյփերը մարտկոցով աշխատող սարքեր են, որոնք տաքացնում են հեղուկը, որը նաև հայտնի է որպես էլեկտրոնային հեղուկ, որը կարող է պարունակել նիկոտին: Երբ էլեկտրոնային հեղուկը շփվում է վեյփի տաքացման տարրի հետ, այն սկսում է գոլորշիանալ և առաջացնել աերոզոլ, որը ներքաշվում է: Քանի որ պրոցեսը ծուխ չի առաջացնում, վեյփերը դասակարգվում են սիգարետին փոխարինող անծուխ այլընտրանքների կատերգորիային:

Վեյփերը լինում են տարբեր ձևերի և չափերի և հայտնի են նրանով, որ ունեն տարբեր ապրանքատեսակների լայն ընտրանի: Որոշ Էլեկտրոնային սիգարետներ միայն մեկանգամյա օգտագործման են, իսկ մյուսները կարող են կրկին օգտագործվել: Որոշները նման են սիգարետների (կոչվում են «cig-a-likes»), իսկ մյուսները կարող են սիգարի կամ գրիչի տեսք ունենալ: Կա նաև էլեկտրոնային սիգարետների հեղուկների համային տեսակների չափազանծ մեծ ընտրություն, և որոշ էլեկտրոնային հեղուկներ նույնիսկ պարունակում են նիկոտինի տարբեր չափաբաժիններ:

Ֆիլ Ռեյ և Նորման Ջեյքոբսոն. որտեղի՞ց է գալիս «վեյփ» բառը

Վեյփինգը, ինչպես արդեն գիտենք, սկսեց ավելի հղկվել որպես կոնցեպտ և դառնալ հասանելի արտադրանք 1980-ականներին: Հենց այդ ժամանակ էլ առաջացան «վեյփ» և «վեյփինգ» տերմինները: Ֆիլ Ռեյը՝ միկրոպրոցեսորի ստեղծողը և Apollo տիեզերական ծրագրի ղեկավարը, ինքն էլ ծխող էր։ Նա սկսեց աշխատել «անծուխ սիգարետի» վրա իր անձնական բժշկի՝ դոկտոր Նորման Ջեյքոբսոնի հետ: Նրանց արտադրանքը չէր պահանջում այրում, և այն տարբերվում էր մինչ այդ արված որոշ այլ գյուտերից, քանի որ նպատակ ուներ նաև նիկոտինի չափաբաժին մատակարարել: Արտադրանքը ձևով, գույնով և դիզայնով նույնպես սիգարետի տեսք ուներ: Սարքի ներսում զտիչ թուղթ կար, որը թաթախվում էր նիկոտինով և երբ ներքաշվում էր, նիկոտինը մատակարարվում էր առանց այրման կամ ծխի:

Ռեյը և Ջեյքոբսոնը առանց ծխի նիկոտին մատակարարելու ոլորտում առաջին պաշտոնական հետազոտողներից էին և առևտրայնացրին իրենց արտադրանքը, թեև այն մեծ հաջողության չհասավ: Այնուամենայնիվ, արտադրանքի փորձնական ուսումնասիրությունների ժամանակ էր, որ Ռեյը չցանկացավ, որ իր մասնակիցներին անվանեն «ծխողներ», որոնք «ծխում» էին, և այդպիսով ստեղծեց «վեյփ» և «վեյփինգ» տերմինները, որոնք օգտագործում ենք այսօր:

Հոն Լիկը. ումի՞ց մեզ հասավ ժամանակակից էլեկտրոնային սիգարետը

2000-ականների սկզբին վերջապես ստեղծվեց ժամանակակից և վաճառքի առումով ամենահաջող էլեկտրոնային սիգարետը: Այն Պեկինում հորինել է Հոն Լիկ անունով չինացի մի դեղագործ: Լիկի առաջին նմուշները մեծ էին չափերով, իսկ նա կարծում էր, որ արտադրանքը պետք է ավելի հարմար լինի առօրյա և շարժական օգտագործման համար, որպեսզի մեծ տարածում ունենա և նպաստի սիգարետներից հրաժարվելուն: Լիկը ի վերջո մշակեց ավելի փոքր, կատարելագործված սարք, որն օգտագործում էր բարձր հաճախականությամբ ուլտրաձայնային տարր՝ համադրված ոլորուն տաքացնող մետաղալարի հետ՝ նիկոտին պարունակող հեղուկը գոլորշիացնելու համար: Այն արտոնագրվեց 2003-ին, իսկ 2004-ին մարտկոցով և տաքացման տարրով աշխատող էլեկտրոնային սիգարետները հայտնվեցին չինական շուկայում: 2005 թվականին էլեկտրոնային սիգարետները սկսեցին վաճառվել միջազգային մակարդակով:

Վեյփինգի նոր տեխնոլոգիա. ինչո՞վ են տարբերվում էլեկտրոնային սիգարետներն այսօր

Էլեկտրոնային սիգարետների որոշ վաղ նմուշները չեն ներառում նիկոտինի մատակարարում: Իրոք, երբ այդ գաղափարը ներկայացվեց Ռեյի և Ջեյքոբսոնի կողմից, իսկ ավելի ուշ բարելավվեց Լիկի կողմից, վեյփերը սկսեցին կոմերցիոն առումով կենսունակ դառնալ: Ի վերջո, արդյունքում հնարավոր եղավ մշակել էֆեկտիվ սարքեր, որոնք կփոխանցեին սիգարետին մոտ բավարարվածություն ներկայիս չափահաս ծխողներին և նիկոտին պարունակող այլ ապրանքներ օգտագործողներին:

IQOS ծխախոտի տաքացման սարքերի պատմությունը

Այսօր ընկերությունները շարունակում են ներդրումներ անել կատարելագործված անծուխ այլընտրանքային տեխնոլոգիաների ավելի լայն ընտրանի ստեղծելու գործում: Օրինակ, IQOS-ը կարող է անծուխ այլընտրանքների զանազան տարբերակներ առաջարկել այն չափահաս ծխողներին, ովքեր հակառակ դեպքում կշարունակեին ծխելը. դրանց թվում է տաքացվող ծխախոտը, որում ծխախոտը տաքանում, այլ ոչ թե այրվում է:

Իմանալ ավելին IQOS տաքացվող ծխախոտի առաջադեմ տեխնոլոգիայի մասին


IQOS- ը հանդիսանում է անծուխ արտադրանքի մեր պորտֆոլեոյի մաս, որի համար PMI- ն ներդրել է ավելի քան 6 մլրդ ԱՄՆ դոլար և ավելի քան 10 տարվա հետազոտական աշխատանքներ, արտադրական մշակումներ: Միևնույն ժամանակ, ավելի քան 400 գիտնականներ և ինժեներներ համագործակցել են անծուխ արտադրանքի մշակման և թեստավորման աշխատանքներում: Մինչ այժմ ավելի քան 14․9 միլիոն չափահաս ծխող ընտրել է անցնել IQOS-ի՝ թողնելով ծխելը: 1


1Աղբյուր՝ ՖՄԻ ֆինանսական տվյալներ կամ գնահատականներ, IQOS օգտատերերի հարցումներ և շուկայի՝ ՖՄԻ-ի կողմից իրականացված շուկաների ուսումնասիրություն։ Կարգավիճակը՝ 2021 թվականի հոկտեմբերի դրությամբ: IQOS օգտագործողները, որոնք ամբողջովին հրաժարվել են սիգարետներից, և որոնց համար ՖՄԻ Հիթսթիքերը կազմում են վերջին 7 օրերի ընթացքում ծխախոտի սպառման առնվազն 70%-ը:

Այս արտադրանքը զերծ չէ ռիսկերից և մատակարարում է նիկոտին, որը կախվածություն է առաջացնում։ Նախատեսված է չափահասների համար։