Ածխածնի մոնօքսիդի մակարդակը սիգարետներում և անծուխ արտադրանքներում

Որոշ չափահաս ծխողների շրջանում էական մտահոգության պատճառ կարող է դառնալ ածխածնի մոնօքսիդի վնասակար ազդեցությունը։ Լավագույն որոշումը, որը ցանկացած ծխող կարող է ընդունել, ծխախոտի և նիկոտինի օգտագործումն ընդհանրապես թողնելն է: Նրանց համար, ովքեր հակառակ դեպքում կշարունակեն օգտագործել սիգարետ կամ այլ նիկոտինային արտադրանք, ավելի քիչ վնասակար կարող է համարվել անծուխ այլընտրանքների օգտագործումը:

Այս հոդվածը ներկայացնում է ածխածնի մոնօքսիդի մակարդակը և՛ սիգարետի, և՛ IQOS տաքացվող ծխախոտի արտադրանքի մեջ:

Ի՞նչ է ածխածնի մոնօքսիդը

Ածխածնի մոնօքսիդը, որի քիմիական հապավումն է CO, առանց հոտի, անգույն թունավոր գազ է։ Այն արտադրվում է մեծ քանակությամբ, երբ որոշ իրեր այրվում են, օրինակ՝ վառելիքը, փայտը կամ սիգարետների մեջ առկա ծխախոտը, իսկ դրա վնասակար ազդեցությունն այնքան ակնհայտ է, որ մեզանից շատերը կիրառում են բոլոր միջոցները դրա առկայությունը մեր տներում բացառելու համար։

Երբ CO ներշնչվում է, այն Ձեր թոքերի միջոցով անցնում է Ձեր արյան մեջ և նվազեցնում է մարմնի տարբեր հատվածներին թթվածին հասցնել արյան կարողությունը՝ ազդելով ձեր ուղեղի, սրտի և մկանների վրա:

Ածխածնի մոնօքսիդի մակարդակը սիգարետներում և անծուխ արտադրանքներում

Սիգարետից անծուխ արտադրանքների անցնելը կարող է նվազեցնել ածխածնի մոնօքսիդի մակարդակը ձեր մարմնում և նվազեցնել սիգարետ ծխելուց առաջացած վնասի վտանգը: Գիտե՞ք, որ ծխողներն ավելի շատ են ենթարկվում ածխածնի մոնօքսիդի ազդեցությանը, քան չծխողները: Դա պայմանավորված է նրանով, որ սիգարետը արտադրում է մեծ քանակությամբ ածխածնի մոնօքսիդ:

Ինչո՞վ է տարբերվում տաքացվող ծխախոտը

Ընդհանրապես ենթադրվում է, որ անծուխ արտադրանքները, ինչպիսիք են ծխախոտի տաքացման սարքերը, պետք է արտազատեն ածխածնի մոնօքսիդի նույն մակարդակն ինչ սիգարետը, քանի որ երկու դեպքում էլ օգտագործվում է ծխախոտ: Սակայն դա այդպես չէ IQOS ծխախոտի տաքացման սարքերի դեպքում: Սիգարետն այրում է ծխախոտը, որն առաջացնում է մեծ քանակությամբ ածխածնի մոնօքսիդ։ IQOS-ը չի այրում ծխախոտը՝ արտադրելով միջինում 98%-ով ավելի քիչ ածխածնի մոնօքսիդ և զգալիորեն ցածր մակարդակի այլ վնասակար քիմիական նյութեր՝ ի համեմատ սիգարետի։

Կարևոր է նշել, որ IQOS-ի արտադրանքը ռիսկերից զերծ չէ, և այն չափահաս ծխողների համար, ովքեր մտահոգված են առողջության հետ կապված վտանգներով, լավագույն ընտրությունը ծխախոտի կամ նիկոտինի օգտագործումն ընդհանրապես բացառելն է: Այնուամենայնիվ, վնասակար քիմիական նյութերի նվազման դեպքում IQOS-ն ավելի լավ ընտրություն է, քան շարունակական ծխելը այն չափահաս ծխողների համար, ովքեր հակառակ դեպքում կշարունակեին ծխել կամ օգտագործել այլ նիկոտինային արտադրանք: