Loading...
main_banner.png

ԱՄԵՆ ԻՆՉ HEETS ԾԽԱԽՈՏԻ ՍԹԻՔԵՐԻ ՄԱՍԻՆ

HEETS-երի ի՞նչ տեսականի է առկա, որտեղի՞ց գնել և ինչու՞ ընտրել հենց HEETS։

Վստահ ենք, որ IQOS-դ գնելուց հետո առաջին իսկ հարցերից մեկը HEETS տաքացվող ծխախոտի սթիքերի մասին էր։ Սթիքերի ի՞նչ տեսակներ են ներկայացված հայկական շուկայում, ի՞նչից են բաղկացած, որտեղի՞ց կարելի է գնել, և, ամենակարևորը, ինչու՞ ընտրել հենց HEETS: Այս և մի շարք այլ հարցերի պատասխանները կգտնեք այս հոդվածում։ Իսկ վերջում որպես բոնուս պատմելու ենք օգտակար խորհուրդների մասին։

Դե ինչ, սկսեցինք։

HEETS սթիքերի ի՞նչ համեր կան Հայաստանում

Առաջին հարցը նվիրված է նրան, թե ինչ HEETS համեր կան, և ինչպե՞ս գտնել Ձեր նախընտրելի համը։ Այսօր Հայաստանյում ներկայացված են HEETS սթիքերի 7 տեսակներ՝ 5-ը դասական և 2-ը պրեմիում շարքից։ Հարկ է նշել, որ մենք պարբերաբար համալրում ենք մեր HEETS սթիքերի տեսականին՝ հիմնվելով մեր հաճախորդների նախընտրությունների վրա։

Դասական շարքի մեջ ներառված են հետևյալ համերը` Bronze, Amber, Yellow, Silver, Turquoise: Ներքևի նկարում ներկայացրել ենք այս շարքի մանրամասները․ կարող եք ծանոթանալ, թե յուրաքանչյուրին ինչպիսի համ է բնորոշ և գնտել Ձեզ համար ավելի հետաքրքիր երանգը։

Պրեմիում դասը ներկայացված է HEETS Dimensions շարքով, որի մեջ ներառված են Noor և Yugen HEETS սթիքերը։ Շարքի առանձնահատկությունն այն է, որ այն ստեղծվել է բարձր խոհանոցի համաշխարհային աստղերի հետ համագործակցության արդյունքում: Սթիքերի այս նոր համերը մշակվել են 3 Michelin աստղերի արժանացած շեֆ-խոհարար Խուան Ամադորի և աշխարհի լավագույն բարմեններից մեկի՝ միքսոլոգ Ռենե Սոֆների կողմից:

Որտեղի՞ց գնել HEETS-եր

HEETS սթիքերը առկա են ինչպես IQOS պաշտոնական վաճառակետերում, այնպես էլ շատ այլ խանութներում։
Բացի խանութ այցելելուց, նաև կարող եք ձեռք բերել HEETS սթիքերը՝ պատվիրելով IQOS պաշտոնական կայքում։

Վստահ ենք, Ձեզ հետ էլ է պատահել, երբ հայտվել եք մի վայրում, որին ծանոթ չեք և չգիտեք, որտեղից կարելի է գտել HEETS-եր։ Այս դեպքերում կարող եք այցելել մեր կայք, որտեղ համակարգը կհուշի Ձեզ ամենամոտ վաճառակետերը և խանութները՝ ըստ Ձեր գտնվելու վայրի։ Պարզապես հետևեք քայլերին այստեղ։


Ինչու՞ ընտրել հենց HEETS

Այն հարցին, թե ինչու ընտրել IQOS, մենք անդրադարձել ենք այստեղ։ Այսօր շարունակում ենք պատմել` ինչու ընտրել հենց HEETS և ինչով է այն տարբերվում այլ տաքացվող գլանակներից: Հատուկ Ձեզ համար առանձնացրել ենք HEETS-երի թոփ 3 առանձնահատկությունները։

1. Մանրակրկիտ վերահսկողություն

HEETS-երը ենթարկվում են խստագույն ստուգումների, որոնք տևում են մինչև 12 ամիս: Խառնուրդի պատրաստման ընթացքում, հատուկ ընտրված ծխախոտի յուրաքանչյուր խմբաքանակ ստուգվում է տաս րոպեն մեկ։

2. Բարձրորակ ծխախոտ
Համի և բույրի հագեցվածությունն ապահովելու նպատակով մենք կիրառում ենք որակի խստագույն չափանիշներ HEETS-ում օգտագործվող ծխախոտի ընտրության ու արտադրության նկատմամբ։

3. Հատուկ տեխնոլոգիա
Սիգարետում օգտագործվող ծխախոտը կտրտվում է, մինչ դեռ HEETS-ի համար օգտագործվող ծխախոտը մանրեցվում է փոշու աստիճանի և ապա անցնում ճշգրտորեն վերահսկվող հատուկ մշակման գործընթացով՝ փաթաթելու և HEETS ծխախոտի գլանակների մեջ տեղադրվելու համար:


Ի՞նչ են պարունակում HEETS ծխախոտի սթիքերը

HEETS սթիքերը բաղկացած են 5 հիմնական մասերից՝ հատուկ ընտրված և մշակում անցած ծխախոտից, պաշտպանիչ փաթեթավորման ալյումինե շերտից, օդի հոսքի խցիկից, ցելյուլոզային և սառեցնող երկու ֆիլտրերից։ Ներքևի նկարում կարող ես ավելի մանրակրկիտ ուսումնասիրել HEETS-ի կառուցվածքը։

Շատերը սխալմամբ կարծում են, թե HEETS սթիքերի մեջ պլաստիկ կա, ոմանք էլ բացում են սթիքն ու ցուցադրում թափանցիկ նյութի կտորը։ Իրականում, ցուցադրվող «պլաստիկը» սառեցնող ֆիլտրն է, որը բիոպոլիմերային ժապավեն է՝ պատրաստված բուսական ծագման նյութից։ Կենսաբանական այս պոլիմերը չի արտազատում որևէ վտանգավոր նյութ IQOS-ի օգտագործման ժամանակ։ Առաջին հայացքից անծանոթ թվացող այս նյութը շատ լայն կիրառում ունի բոլորիս ամենօրյա կյանքում, oրինակ՝ վիրահատական թելերի, շշերի, թեյի պարկերի և փաթեթավորման այլ տեսակների մեջ։

ԲՈՆՈՒՍ․ Խորհուրդներ IQOS օգտատերերի համար

Մոտենում ենք հոդվածի ավարտին և ինչպես խոստացել էինք՝ որպես բոնուս կիսվում ենք մի քանի օգտակար խորհուրդներով IQOS-ի և HEETS սթիքերի մասին։
  • Մի պտտեք ծխախոտի սթիքը բռնիչի մեջ տեղադրելիս։ Այն պատահաբար կարող եք վնասել և կոտրել լեզվակը։
  • Գիտեք չէ՞, որ ամեն անգամ օգտագործելուց հետո թութունի մանր մասնիկներ են մնում բռնիչի և կափարիչի մեջ։ Եվ եթե այս մասիկները ժամանակին չհեռացնեք, դրանք կարող են հանգեցնել ցածր աերոզոլի քանակի ներքաշման ժամանակ։ Այդ պատճառով պետք է սարքը ամեն օր մաքրել և հոգ տանել դրա մասին IQOS-ի օրիգինալ աքսեսուարներով՝ հատուկ նախատեսված մաքրիչով և մաքրող փայտիկներով:
  • Ավարտելուն պես վեր սահեցրեք կափարիչը՝ սթիքը հանելուց առաջ:
  • Եթե HEETS սթիքերը դժվարանում եք տեղադրել բռնիչի մեջ, բավական է փոքր-ինչ սեղմել ու տրորել այն մատների միջև՝ մի փոքր փափկացնելով պինդ սեղմված ծխախոտը:


Եթե ունեք այլ հարցեր, կարող եք գնտել դրանց պատասխանները մեր կայքի Հաճախ տրվող հարցեր բաժնում կամ զանգահարել Հաճախորդների սպասարկման կենտրոն +37444004767 հեռախոսահամարով։


Կարևոր տեղեկություն․ HEETS-երը պարունակում են նիկոտին, որը կախվածություն է առաջացնում։

Այս արտադրանքը զերծ չէ ռիսկերից և մատակարարում է նիկոտին, որը կախվածություն է առաջացնում։ Նախատեսված է չափահասների համար։