Loading...
main-01.png

Ո՞ՐՆ Է ՍԹԻՔԵՐԻ ՁԵՐ ՀԱՄԸ

IQOS-ի և lil SOLID-ի սթիքերի բոլոր համերի մասին։

Heat-not-burn-ը նորարար այլընտրանք է այն չափահաս ծխողների համար, ովքեր հակառակ դեպքում կշարունակեին ծխել կամ նիկոտին պարունակող այլ ապրանքներ օգտագործել: Այրելու փոխարեն ծխախոտը տաքացնելով՝ արտազատվում է նիկոտին և տարբեր համային երանգներ ունեցող աերոզոլ։ IQOS և lil SOLID սարքերը ապահովում են ծխախոտային հագեցվածություն չափահաս օգտատերերին՝ ավելի քիչ հոտով, առանց կրակ և մոխիր՝ ի տարբերություն սիգարետի:

IQOS-ը #1 տաքացվող ծխախոտի արտադրանքն է1։ Այս առաջատար անծուխ ապրանքի հիմքում ընկած է HeatControlTM տեխնոլոգիան: Վերջինս տաքացնում է հատուկ IQOS-ի համար նախագծված HEETS ծխախոտի սթիքերը՝ արտազատելով նիկոտին պարունակող գոլորշի, բայց, միևնույն ժամանակ, չայրելով ծխախոտը։

Տաքացվող ծխախոտի ի՞նչ համեր կան

HEETS սթիքերը երկար ճանապարհ են անցնում մինչև մեր հաճախորդներին հասնելը: Աշխարհի տարբեր երկրների ֆերմերները խնամքով աճեցնում են ծխախոտը, որը հետագայում նմուշավորում են մեր մասնագետները՝ ընտրելով լավագույն ծագման և որակի ծխախոտ` հատուկ ուշադրություն դարձնելով բուրմունքին և համային պրոֆիլներին (մասնավորապես՝ հագեցվածությանը, հասունությանը և ինտենսիվությանը): Այսպիսով, մեր ծխախոտագործները ստեղծում են HEETS ծխախոտային խառնուրդներ IQOS-ի օգտատերերի համար:

Մենք գիտենք, որ մեր չափահաս օգտատերերը սիրում են բացահայտել նոր համեր: Ժամանակ առ ժամանակ այլ համերի անցում կատարելը կարող է օգնել նոր և թարմ փորձառություն ունենալուն։ 

Եթե երկար ժամանակ է, ինչ նույն սթիքն եք օգտագործում, մեր «Ո՞րն է Ձեր համը» թեստը կարող է օգնել Ձեզ պարզել, թե ինչ այլ համեր հնարավոր է հավանեք։

Որպես ավանդական ծխախոտի ժամանակակից այլընտրանք՝ HEETS-ն ունի համային հարուստ ընտրանի՝ հագեցած համի երանգից մինչև մեղմ, ինչպես նաև մենթոլային և մի շարք այլ ծխախոտային նոր խառնուրդներ, որոնք կբավարարեն ցանկացած ճաշակ: Այսպիսով, IQOS-ի օգտատերերը կարող են փորձել և համեմատել տաքացվող ծխախոտի համերը՝ գտնելու իրենցը:

Եվ վերջապես, ի՞նչ համեր են ներկայացված Հայաստանում

ՊՐԵՄԻՈՒՄ ՀԱՄԵՐ HEETS Dimensions


Սթիքերի պրեմիում շարք, որը մշակվել է համի վարպետների` խոհարար Խուան Ամադորի և միքսոլոգ Ռենե Սոֆների հետ համագործակցությամբ: Արդյունքում, Հայաստանում ներկայացված են 2 HEETS Dimensions համեր՝ Noor և Yugen: Այս սթիքերը հեշտ է տարբերակել յուրօրինակ փաթեթավորման շնորհիվ: Սակայն, վերջիններիս ամենակարևոր առանձնահատկությունը էկզոտիկ համն է:

HEETS Noor - սթիքեր նարնջագույն երանգափայլ ուրվագծով սև տուփի մեջ
Ծխախոտային խառնուրդ խորը, հարուստ բուրմունքով և ցիտրուսային երանգով: Այս սթիքերն ունեն ընկուզային ջերմ համի երանգ:

HEETS Yugen - սթիքեր մանուշակագույն երանգափայլ ուրվագծով սև տուփի մեջ
Այս խառնուրդն ունի թարմ մրգային բույր և համ։ Այս սթիքերի համի հիմնական երանգներն են տանձը, հասմիկի թեյը, նարդոսն ու վանիլինը:

HEETS ԴԱՍԱԿԱՆ ՇԱՐՔԸ


BRONZE - սթիքեր շագանակագույն տուփի մեջ
Հայաստանում ներկայացված HEETS-երի շարքում ամենահագեցած համը: Բուրավետ ծխախոտի խառնուրդ կակաոյի և չոր մրգերի բույրի նոտաներով՝ առանց ծխի, այրման և մոխրի համի: Այս համը կարող է համապատասխանել, առաջին հերթին, այն ծխողներին, ովքեր նախկինում նախընտրում էին թունդ սիգարետներ:

AMBER - սթիքեր նարնջագույն տուփի մեջ
Այն պատկանում է ծխախոտային շարքին և ունի հագեցած համ: Ծխախոտի մշակված և հղկված խառնուրդ՝ հագեցած ծխախոտային համի երանգով:

YELLOW- սթիքեր դեղին տուփի մեջ
Դասական համ: Թեթև բույր: Այս «թեթևությունը» հաճախ կարող է դուր գալ այն օգտատերերին, ովքեր նախկինում ծխել են ցածր խեժ պարունակող սիգարետ: Համի երանգը ասոցացվում է ցիտրուսի հետ:

SILVER - սթիքեր արծաթագույն տուփի մեջ
Մեղմ համ ՝ թեթև, նեյտրալ և աննկատ բույրով: Ըստ մեր օգտատերերի, Heets Silver-ն ամենամոտն է սովորական ծխախոտի համին, միայն ավելի մեղմ է: Կարող է հարմար լինել այն ծխողների համար, ովքեր առաջին անգամ են փորձում IQOS, կամ ում համար մնացած բոլոր սթիքերը սիգարետից չափազանց տարբեր են թվում:

TURQUOISE - սթիքեր փիրուզագույն տուփի մեջ
Այստեղ ամեն ինչ պարզ է` համի երանգը ասոցացվում է անանուխի հետ՝ մենթոլային, թարմացնող: Ըստ օգտատերերի՝ բույրը նկատելիորեն տարբերվում է մենթոլի սիգարետներից և կարող է դուր գալ նույնիսկ այն մարդկանց, ովքեր ծխում էին սովորական, առանց համային հավելումների սիգարետ:

Fiit սթիքերի ի՞նչ համեր կան Հայաստանում


Իսկ այժմ անցնենք հատուկ lil SOLID-ի հետ համատեղ օգտագործման համար նախագծված Fiit տաքացվող ծխախոտի սթիքերին։ Հայաստանում դեռևս ներկայացված են Fiit սթիքերի 3 տեսակ․

Fiit Regular - Սթիքեր բաց կապույտ գծերով տուփի մեջ
Այս սթիքերը կարող են դուր գալ այն ծխողներին, ովքեր նախկինում նախընտրել են սովորական, առանց համային հավելումների սիգարետ: Fiit Regular-ն ունի ծխախոտի դասական համ՝ թեթև ընկուզային համի երանգով: Որոշ օգտատերերի համար այն նման է Heets Bronze և Heets Amber սթիքերին:

Fiit Regular Sky - սթիքեր բաց մոխրագույն գծերով տուփի մեջ
Շատ մեղմ համ՝ ծխախոտի թեթև բույրով: Ի համեմատ Fiit Regular- ի՝ Fiit Regular Sky- ն ունի ավելի մեղմ ծխախոտային համ: Եթե համեմատենք HEETS սթիքերի հետ, որոշ օգտատերեր այն նմանացնում են Heets Silver-ի համին:

Fiit Crisp - սթիքեր կանաչ գծերով տուփի մեջ
Եթե Դուք փնտրում եք թարմացնող բույրեր, ապա գուցե կհավանեք Fiit Crisp-ը: Պիկանտ և միևնույն ժամանակ մեղմ, թարմ համ՝ ցիտրուսային երանգով:


Ունե՞ք հարցեր Ձեր սարքի կամ տաքացվող ծխախոտի սթիքերի մասին։ Հոգ չէ, Ձեր հարցերի պատասխանները կարող եք գտնել մեր կայքի  Հաճախ տրվող հարցեր բաժնում  կամ զանգահարելով Հաճախորդների սպասարկման կենտրոն +37444007177 համարով։



1Աղբյուրը. Տաքացվող ծխախոտային միավորների Ընդհանուր շուկայական վաճառքների վերաբերյալ ՖՄԻ համաշխարհային գնահատումը՝ 2019 թվականի դեկտեմբերի դրությամբ (Չինաստանը և ԱՄՆ-ն ներառված չեն):

Այս արտադրանքը զերծ չէ ռիսկերից և մատակարարում է նիկոտին, որը կախվածություն է առաջացնում։ Նախատեսված է չափահասների համար։