Ինչպե՞ս օգտագործել lil SOLID 2.0 սարքը
1. Եթե ձեռք ես բերել նոր lil SOLID 2.0 սարքն ու պատրաստվում ես այն առաջին անգամ օգտագործել, ապա նախ ակտիվացրու սարքը՝ լիցքավորելով այն: Սարքն առաջին անգամ օգտագործելուց առաջ անհրաժեշտ է ամբողջովին (~2 ժամ) լիցքավորել այն էլեկտրական վարդակից:
2. Սահեցնելով բացիր պատյանը (սարքի վերին մասում) և տեղադրիր Fiit ծխախոտի սթիքը՝ ծխախոտի հատվածով դեպի ներքև:
3. Սեղմած պահիր կոճակը 2 վայրկյան՝ մինչև սարքը վիբրացիա արձակի: LED լուսային ցուցիչը թարթում է սառցե կապույտ գույնով, իսկ սարքը միաժամանակ սկսում է վիբրացիա արձակել: Նախնական տաքացման համար պահանջվում է մոտավորապես 25 վայրկյան՝ կախված օգտագործման պայմաններից: Երբ ավարտվում է նախնական տաքացումը, LED լուսային ցուցիչը միանում է, և սարքը միաժամանակ սկսում է վիբրացիա արձակել՝ ազդարարելով, որ սարքը պատրաստ է օգտագործման:
4. Օգտագործման փորձը տևում է 14 ներքաշում կամ 5 րոպե` կախված, թե որն առաջինը կլինի: Երբ օգտագործման ավարտին մնում է 30 վայրկյան կամ 3 ներքաշում, սարքը մեկ անգամ թրթռում է, իսկ LED լուսային ցուցիչը թարթում է սառցե կապույտ լույսով մինչև անջատվելը: Երբ օգտագործումն ավարտվում է, լուսային ցուցիչն ու սարքն ավտոմատ կերպով անջատվում են: Կարիք չկա սեղմել կոճակը սարքն անջատելու համար:
5. Ծխախոտի սթիքը հեռացնելու համար պտտիր սթիքը 3 անգամից ավելի նույն ուղղությամբ: Սթիքը հանիր սարքի միջից: Փակիր կափարիչը՝ սահեցնելով այն սթիքի տեղադրման հատվածի վրա:
Կարող ես օգտագործել սարքը հաջորդաբար մինչև 3 անգամ: 3 հաջորդական օգտագործումից հետո սարքն ավտոմատ կերպով կսառչի: Սարքը չի կարելի օգտագործել ավելի քան 3 անգամ 18 րոպեների ընթացքում, քանի որ այն պետք է հովանա: Կպահանջվի 3 րոպե 30 վայրկյան, որպեսզի սարքը սառչի` հաջորդ սթիքը օգտագործելուց առաջ:
