Ապրանքների վաճառքի պայմանները

Ապրանքների վաճառքի պայմաններ առ 30.09.2025թ.

Սույն փաստաթուղթը սահմանում է Կայքի գրանցված օգտատերերի կողմից Ինտերնետ-խանութի միջոցով Ապրանքներ պատվիրելու և գնելու պայմանները: Սույն պայմանների, ինչպես նաև սույն Կայքի բովանդակության ոչ մի դրույթ չի կարող դիտարկվել որպես ՖՄԱ-ի կամ Վաճառողի կողմից հրապարակային առաջարկ: Ապրանքների բնութագրերը, գները և այլ տեղեկությունները Կայքում հրապարակված են բացառապես տեղեկատվական նպատակներով, Ձեզ հնարավրություն տալու ներկայացնելու առաջարկ՝ Վաճառողին առք ու վաճառքի պայմանագրի կնքման վերաբերյալ:

1. Տերմիններ և սահմանումներ

Սույն փաստաթղթում օգտագործվելու դեպքում, ստորև նշված տերմիններն ունեն հետևյալ իմաստը, եթե համատեքստից այլ բան չի բխում.

1. Կայք՝ https://am.iqos.com/am/home կայքը:
2. Կայքից օգտվելու պայմանները՝ Կայքից օգտվելու պայմաններ առ 30 սեպտեմբերի, 2025թ.:
3. Ապրանք/ Ապրանքներ՝ ծխախոտ պարունակող արտադրանքներ, ծխախոտ տաքացնող էլեկտրոնային համակարգեր և Կայքում ներկայացված այլ ապրանքներ:
4. «ՖՄԱ» ՍՊԸ կամ ՖՄԱ՝ Ապրանքները ներմուծող «Ֆիլիպ Մորրիս Արմենիա» սահմանափակ պատասխանատվությամբ ընկերությունը, հասցե՝ 0010, Վազգեն Սարգսյան 2, «Կամար» բիզնես կենտրոն, 8-րդ հարկ, 0010, Երևան, ՀՀ, ՀՎՀՀ՝ 00454054:
5. Վաճառող կամ մենք (բոլոր դեպքերում)՝ «Կարատ Թրեյդ» ՍՊԸ, սահմանափակ պատասխանատվությամբ ընկերություն, հասցե՝ , Միկոյան 17/2, Երևան 0079, ՀՀՀՎՀՀ՝02874778, էլ. փոստ՝ Info@carattrade.am հեռ.՝ +374 60 43 43 43:
6. Ինտերնետ-խանութ՝ Կայքի այն մասը (որտեղ հասանելի է «Գնել» բաժինը), որտեղից Կայքի գրանցված օգտատերերը կարող են Վաճառողից Ապրանքներ պատվիրել կամ գնել :
7. Ապրանքների վաճառքի պայմաններ՝ Ապրանքների վաճառքի սույն փաստաթղթով սահմանված պայմանները: Ապրանքների վաճառքի պայմանները հանդիսանում են Կայքից օգտվելու պայմանների անբաժանելի մասը, և կայքում գրանցվելով՝ դուք ավտոմատ կերպով ճանաչում և ընդունում եք այս Ապրանքների վաճառքի պայմանները։
8. Սպառող (ներառյալ «Գրանցված սպառող») կամ «Դուք»՝ անձ, ով առնվազն 18 տարեկան է, ծխախոտի և/կամ նիկոտին պարունակող արտադրանքի սպառող է և համաձայնել է կայքի օգտագործման պայմաններին, ինչպես նաև անձնական տվյալների մշակման քաղաքականությանը և բնակվում է Հայաստանի Հանրապետությունում։

2. Ապրանքների պատվիրման կարգը

2.1 Դուք կարող եք Ապրանքներ պատվիրել, եթե գրանցված եք Կայքում, ինչը նշանակում է, որ կարդացել և ընդունել եք Կայքից օգտվելու պայմանները, Ապրանքների վաճառքի սույն պայմանները, ինչպես նաև անձնական տվյալների մշակման քաղաքականությունը, և համապատասխանում եք Կայքից օգտվելու հետևյալ պայմաններին` (1) առնվազն 18 տարեկան եք, (2) հանդիսանում եք ծխախոտի և/կամ ծխախոտ պարունակող արտադրանքի սպառող և (3) առաքման հասցեն գտնվում է Հայաստանի Հանրապետության տարածքում։

2.2 Ապրանք գնելու համար անհրաժեշտ է Ապրանքի պատվեր ուղարկել Վաճառողին՝ սեղմելով «Պատվեր» հղումը, որը գտնվում է Ինտերնետ-խանութի էջի «Ձեր զամբյուղը» բաժնում, ընտրել վճարման և առաքման տարբերակը՝ լրացնելով համապատասխան ձևաթուղթը, կամ զանգահարելով +374 44 004767 հեռախոսահամարով: Ուղարկելով պատվերն Ինտերնետ-խանութի միջոցով՝ Դուք դրանով պարտավորվում եք, Վաճառողի կողմից պատվերն ընդունվելու դեպքում, Ձեր պատվերի համաձայն գնում կատարել:

Ինտերնետ-խանութում նշված ապրանքների արժեքը ներառում է այն հարկերը, որոնք կարող են կիրառվել Ապրանքները վաճառելիս:

Խնդրում ենք նկատի ունենալ, որ արդյունավետ մշակում և առաքում ապահովելու համար առաքման ծառայությամբ օնլայն պատվերների նվազագույն արժեքը պետք է կազմի 4500 ՀՀ դրամ («Նվազագույն շեմ»):

2.3 Ձեր պատվերը համարվում է Վաճառողին արված առաջարկ պատվերում նշված Ապրանքների առք ու վաճառքի պայմանագիր կնքելու վերաբերյալ՝ Ձեր կողմից պատվերում նշված պայմանների, ինչպես նաև պատվերը գրանցելիս Կայքում ներկայացված պայմանների և Ապրանքների վաճառքի սույն պայմանների համաձայն : Վաճառողն իր հայեցողությամբ կարող է հրաժարվել Ձեզ վաճառել Ապրանքները` Ձեր պատվերի համաձայն (մերժել Ձեր առաջարկը): Պատվերի վավերությունը ստուգելու համար անհրաժեշտ է Ձեր բանավոր հաստատումը՝ ինչպես տարիքային, այնպես էլ այլ հարցերի վերաբերյալ: Պատվերի վավերությունը ստուգելու նպատակով, Վաճառողը կամ վերջինիս լիազորված անձը կարող է կապ հաստատել Ձեզ հետ` հեռախոսով կամ հաղորդակցության հասանելի այլ միջոցներով:

Պատվերը կարող է չընդունվել հետևյալ պատճառներով`

1. Պատվիրված Ապրանքն առկա չէ պահեստում,
2. Տեխնիկական սխալ, որի հետևանքով ապրանքի գինը կամ նկարագրությունը սխալ է նշված,
3. Մենք չենք կարող առաքել Ապրանքը նշված հասցեով,
4. Դուք չեք համապատասխանում Ապրանքի վաճառքի պայմաններում նշված պայմաններին, ներառյալ երբ կասկածում ենք, որ Ձեր 18 տարին չի լրացել,
5. Պատվերի արժեքը ցածր է նվազագույն շեմից:

2.4 Պատվերում որևէ սխալ հայտնաբերելու դեպքում, խնդրում ենք կապ հաստատել մեզ հետ՝ ուղղումներ կատարելու կամ պատվերը չեղարկելու համար:

2.5 Վաճառողը հաստատում է պատվերի ընդունումը (ընդունում է Ձեր առաջարկը)՝ ուղարկելով պատվերի համարը պարունակող էլեկտրոնային նամակ կամ sms հաղորդագրություն` Կայքում գրանցվելիս Ձեր կողմից նշված հասցեին կամ հեռախոսահամարին: Այս հաղորդագրությունը կպարունակի ձեր պատվերի համարը։ Գնումը հաստատվում է ապրանքի գնման ժամանակ տրամադրվող անդորրագրով։ Հարկ եղած դեպքում անդորագիրը կարող է ուղարկվել էլեկտրոնային եղանակով, և կհամարվի էլեկտրոնային համաձայնագիր։ Առք ու վաճառքի էլեկտրոնային համաձայնագիրը կհամարվի կնքված այն պահին, երբ պատվերի հաստատումը ուղարկվում է ձեզ։

2.6 Պատվերի հաստատումն ստանալուց հետո, անհրաժեշտության դեպքում, Դուք կարող եք Վաճառողին ուղարկել հարցում` պայմանագրի չխմբագրվող տարբերակը ստանալու վերաբերյալ: Ձեր հարցմանը համապատասխան Ձեզ կուղարկվի էլեկտրոնային նամակ, որում նշված կլինեն Ձեր և Վաճառողի միջև կնքված պայմանագրի բոլոր էական պայմանները:

3. Առք ու վաճառքի էլեկտրոնային պայմանագիր

3.1 Երբ Վաճառողն ընդունում է Ձեր պատվերը, Ձեր և Վաճառողի միջև կնքվում է առք ու վաճառքի էլեկտրոնային պայմանագիր (այսուհետ՝ «Պայմանագիր»): Պայմանագրի հիմնական դրույթները սահմանվում են Ապրանքների Վաճառքի Պայմաններով, Ձեր կողմից Ապրանքներ պատվիրելիս ընտրված Կայքում ներկայացված տեղեկատվությամբ, գնման անդորագրով, ինչպես նաև Հայաստանի Հանրապետության գործող օրենսդրությամբ։

3.2 Ապրանքների համար վճարումը կարող է իրականացվել առցանց (առաքմամբ պատվերների դեպքում) կամ վաճառակետում (վաճառակետից վերցնել դեպքում), եթե նման տեխնիկական հնարավորություն առկա է։ Մենք կհանձնենք Ապրանքը, Պայմանագրում նշված Ապրանքի գինը Ձեր կողմից ամբողջությամբ վճարելուց և Վաճառողի և/կամ առաքումն իրականացնող վերջինիս ներկայացուցչի կողմից Ձեր տարիքը հաստատելուց հետո: Տարիքը ստուգելու և անձը նույնականացնելու համար, անհրաժեշտ կլինի Վաճառողին կամ նրա ներկայացուցչին ներկայացնել անձը հաստատող փաստաթուղթ: Ապրանքի նկատմամբ սեփականության իրավունքը կանցնի Ձեզ այն պահից, երբ Վաճառողն այն հանձնի Ձեզ: Վճարման մերժման պատճառով առք ու վաճառքի պայմանագրի լուծման դեպքում, Դուք պարտավոր եք Ապրանքները վերադարձնել Վաճառողին:

3.3 Դուք իրավունք ունեք չեղարկել Վաճառողի կողմից ընդունված պատվերը, այն է` լուծել Պայմանագիրը մինչև Ապրանքի առաքումը՝ առանց տույժեր վճարելու՝ այդ մասին ծանուցելով Վաճառողին էլեկտրոնային փոստով կամ հեռախոսով:

3.4 Վաճառողն իրավունք ունի միակողմանիորեն լուծել Պայմանագիրը՝ Ձեզ ուղարկելով այդ մասին գրավոր (այդ թվում` էլեկտրոնային փոստով) ծանուցում: Եթե Վաճառողը լուծում է Պայմանագիրը կամ Պայմանագիրը լուծվում է Ապրանքների վաճառքի սույն պայմաններով սահմանված այլ հիմքերով, ապա Դուք իրավունք չունեք ստանալ Ձեր կողմից կատարված անուղղակի ծախսերի փոխհատուցում (օրինակ՝ տրանսպորտային ծախսեր, ինտերնետի ծախսեր և այլն): Եթե Դուք վճարել եք պատվերի համար, իսկ Վաճառողը լուծում է Պայմանագիրը, Վաճառողը պարտավորվում է ստորև նշված 3.6 կետի համաձայն ամբողջությամբ Ձեզ վերադարձնել վճարված գումարը:

3.5 Առք ու վաճառքի պայմանագիրը համարվում է լուծված այն պահից, երբ Վաճառողը կամ նրա առաքման գործակալը հայտնաբերի կամ արձանագրի հետևյալ հանգամանքներից որևէ մեկը.

1. Դուք հրաժարվում եք ստանալ Ապրանքը Ձեր պատվերի համաձայն,
2. Դուք հրաժարվում եք վճարել Ապրանքի համար առք ու վաճառքի պայմանագրի համաձայն,
3. Դուք չեք կարողանում հաստատել, որ Ձեր անձնական տվյալները համապատասխանում են գրանցման պահին Կայքում նշված տվյալներին,
4. Դուք չեք կարողանում Վաճառողին կամ վերջինիս առաքիչին հաստատել, որ Դուք 18 տարեկան եք:

3.6 Եթե առք ու վաճառքի պայմանագիրը լուծվում է մինչև Ապրանքը Ձեզ հանձնելը, Վաճառողը կամ վերջինս առաքիչը Ապրանքը չեն առաքի Ձեզ: Եթե Դուք վճարել եք Ապրանքների համար, Վաճառողը պարտավորվում է վերադարձնել Ձեզ գումարը առք ու վաճառքի պայմանագրի լուծման մասին ծանուցումը ստանալուց հետո` երեսուն (30) օրվա ընթացքում:

3.7 Դուք իրավունք ունեք լուծել Պայմանագիրը՝ այդ մասին Վաճառողին ծանուցելով` Ապրանքի համար վճարման փաստը հավաստող փաստաթուղթը (վաճառքի կտրոնը) ստանալուց հետո` տասնչորս (14) օրվա ընթացքում: Վաճառողը պարտավորվում է վերադարձնել վճարված գումարը Պայմանագրի լուծման վերաբերյալ Ձեր ծանուցումն ստանալուց հետո` երեսուն (30) օրվա ընթացքում: Դուք կարող եք Ապրանքը վերադարձնել անձամբ՝ հանձնելով այն ստորև նշված 5.2 կետում ներկայացված վաճառակետերից որևէ մեկում: Լրացուցիչ տեղեկությունների համար, խնդրում ենք զանգահարել Հաճախորդների սպասարկման կենտրոն՝ +374 44 00 47 67 հեռախոսահամարով:

Ապրանքների վերադարձը հնարավոր է միայն այն դեպքում, երբ՝

1. Ապրանքները չեն օգտագործվել,
2. Պահպանվել է դրանց վաճառքի ենթակա տեսքը և սպառողական հատկությունները,
3. Ապրանքները պարունակում են բոլոր բնօրինակ կնիքներն ու պիտակները,
4. Վերադարձը ուղեկցվում է գնման պահին տրամադրված բնօրինակ վաճառքի կամ դրամարկղի անդորագրով։

4. Վճարման եղանակները

4.1 Դուք կարող եք վճարել Ձեր պատվերի համար հետևյալ եղանակներով`

1. կանխիկ,
2. բանկային քարտի միջոցով ` նման տեխնիկական հնարավորության առկայության դեպքում :
3. առցանց վճարմամբ՝ նման տեխնիկական հնարավորության առկայության դեպքում:

Բանկային քարտով վճարելու դեպքում, խնդրում ենք չօգտվել կասկածելի վճարային համակարգերից և/կամ կայքերից: Նշված հարցերով խնդրում ենք դիմել Ձեր դեբետային կամ վարկային քարտը թողարկած բանկ:

5. Ապրանքների առաքում

5.1. Առաքիչի միջոցով

Կիրառելի է միայն Երևանում:

4500 ՀՀ դրամ և ավել արժեք ունեցող պատվերների դեպքում գործում է առաքում: Առաքման ծառայությունը հասանելի է ամեն օր՝ ժամը 12:00-ից մինչև ժամը 20:00-ն: Հնարավորության դեպքում, պատվերն առաքվում է նույն օրը կամ հաջորդ օրվա ընթացքում: Ապրանքներն առաքվում են Ձեր պատվերում նշված հասցեով: Նշված հասցեով պատվերն առաքելու անհնարինության դեպքում, մենք կարող ենք կապ հաստատել Ձեզ հետ՝ այդ մասին տեղեկացնելու, պատվերը չեղարկելու կամ փոփոխելու նպատակով: Պատվերն ստանալու համար անհրաժեշտ է, որպեսզի 18 տարին լրացած անձը ներկայացնի անձը հաստատող փաստաթուղթ` անձի և տարիքի ստուգման համար: Նախքան առաքված Ապրանքն ընդունելը՝ Դուք համաձայնում եք ստուգել այն` պարզելու անկնհայտ թերությունների ու անսարքությունների առկայությունը:

Մենք կկապվենք Ձեզ հետ՝ պատվերը հաստատելու, պատվերի կարգավիճակի մասին տեղեկացնելու և այլ նպատակներով: Դուք նույնպես հնարավորություն ունեք կապ հաստատել մեզ հետ:

5.2. Վաճառակետից վերցնել

Պատվերն ստեղծելու ժամանակ, Դուք կարող եք տեսնել այն վաճառակետերի ցանկը, որտեղից կարող եք վերցնել Ապրանքը: Պատվերը լրացնելիս՝ անհրաժետ է նշել, թե որ վաճառակետից եք ցանկանում գնել Ապրանքը: Պատվերը հաստատելուց հետո, Ապրանքը կարող է պահվել նշված վաճառակետում 2 օր, իսկ նշված ժամկետում Ապրանքը չգնելու դեպքում 3-րդ օրը պատվերն ինքնաբերաբար չեղարկվում է:

IQOS վաճառակետերի ցանկը կարող եք գտնել հետևյալ հղումով՝ IQOS և HEETS վաճառակետեր մոտակայքում | Store Locator | IQOS Armenia

6. IQOS կամ lil սարքի վերադարձը

Դուք կարող եք IQOS կամ lil սարքը վերադարձնել վաճառակետ` Ապրանքը ֆիզիկապես Ձեզ հանձնվելու պահից` տասնչորս (14) օրվա ընթացքում: Վաճառակետի տեղակայման վայրը ճշտելու համար, խնդրում ենք զանգահարել Հաճախորդների սպասարկման կենտրոն՝ +374 44 004767 հեռախոսահամարով: Գումարը ենթակա է վերադարձի միայն IQOS կամ lil սարքի համար վճարման փաստը հավաստող փաստաթղթի (վաճառքի կտրոնի) առկայության դեպքում: Գումարը վերադարձվում է այն եղանակով (կանխիկ կամ անկանխիկ), որով կատարվել է IQOS կամ lil սարքի համար վճարումը:

Մենք իրավունք ունենք հետ չընդունել ձեր IQOS կամ lil սարքը, եթե

1. ապրանքի համար վճարման կտրոնի վրա նշված ամսաթվից անցել է տասնչորս (14) օրից ավել,
2. սարքը կամ դրա որևէ բաղադրիչ օգտագործված է,
3. ապրանքի վաճառքի ենթակա տեսքը կամ սպառողական հատկությունները խախտվել են,
4. ապրանքի վրա բացակայում են բնօրինակ կնիքներն կամ պիտակները,
5. ապրանքի հետ միասին ներկայացված չէ գնման պահին տրամադրված բնօրինակ վաճառքի կամ դրամարկղի անդորրագիրը։

7. Երաշխիք

IQOS և Lil սարքերի երաշխիքային սպասարկման պայմանները ներկայացված են Հաճախորդների համար վաճառքից հետո տրամադրվող սպասարկման և աջակցության որոշակի ծառայությունների պայմաններ ու դրույթներում:

8. Հաճախորդների սպասարկման կենտրոն

Ձեր բոլոր հարցերը կարող եք ուղղել Հաճախորդների սպասարկման կենտրոն՝ +374 44 00 47 67 հեռախոսահամարով կամ էլեկտրոնային փոստի միջոցով: Հաճախորդների սպասարկման կենտրոնն աշխատում է ամեն օր՝ ժամը 10.00-ից մինչև 21.00-ը: Դուք կարող եք նաև հաղորդագրություն թողնել մեր Կայքում` շուրջօրյա, և մենք կկապվենք Ձեզ հետ, երբ Ձեզ հարմար լինի:

Զանգահարեք մեզ +374 44 004767 հեռախոսահամարով կամ գրեք մեզ support.am@iqos.com հասցեին:

Սպասարկման որակը բարելավելու նպատակով Հաճախորդների սպասարկման կենտրոնի բոլոր զանգերը ձայնագրվում են: Բացի այդ, ենք կպահպանենք Ձեր կոնտակտային տվյալները՝ հեռախոսահամարը կամ էլեկտրոնային փոստի հասցեն՝ որպեսզի կարողանանք կապ հաստատել Ձեզ հետ՝ ըստ Ձեր հարցման կամ լրացուցիչ հարցերի դեպքում։

9. Կորած կամ գողացված սարքի մասին հաղորդում

Ձեր IQOS կամ lil սարքի կորստի դեպքում կարող եք դիմել IQOS վաճառակետ կամ Հաճախորդների սպասարկման կենտրոն` +374 44 00 47 67 հեռախոսահամարով, հաղորդելու կորած կամ գողացված սարքի մասին: Ձեր ծանուցումից հետո Վաճառողը համակարգում կնշի սարքը որպես կորած:

Այն դեպքում, երբ Սեփականատիրոջ էջում կցված սարքը Սեփականատիրոջ կողմից կորած չի հայտարարվել («կորած սարք»), Վաճառողը կարող է Սարքը վերակցել մեկ այլ չափահաս օգտագործողի պրոֆիլին՝ վերջինիս դիմումի հիման վրա:

Կորած սարքի տիրապետողի նույնականացման դեպքում Վաճառողը պարտավոր է տեղեկացնել Սեփականատիրոջը այդ հանգամանքի մասին և, ըստ Սեփականատիրոջ պահանջի, տրամադրել համապատասխան տեղեկատվություն՝ կապված կորած և/կամ գողացված սարքի հետ։

Այնուամենայնիվ վաճառողն իրեն իրավունք է վերապահում հրաժարվել որոշակի ծառայություններից, ներառյալ սարքը մեկ այլ հաճախորդի էջի վերակցելը, եթե սարքը հայտարարվել է կորած կամ գողացված: Նման դեպքերում Վաճառողն իրավունք ունի պահպանել սարքը՝ օրինական սեփականատիրոջը վերադարձնելու կամ ոստիկանություն հանձնելու նպատակով:

Այն դեպքում, երբ Ձեր սարքը գողացվել է/կորել է, խորհուրդ է տրվում նաև միջադեպը գրանցել ոստիկանությունում: Տեղական իշխանություններից հարցում ստանալուց հետո, ՀՀ օրենսդրությանը համապատասխան, ՖՄԱ-ը նրանց կտրամադրի պահանջվող, հասանելի տեղեկատվությունը: